ЯҢАЛЫКЛАР

Моң - кешелекнең беренче ачышларының иң серлесе булган. Борынгы бабаларыбыз ташны ташка, агачны агачка бәргәч, тавыш чыкканын аңлап алып, аларны кушып, үзләренә бер яңалык тапканнар - көйләр тудыра башлаганнар.

“Шәфкать” физик мөмкинлекләре чикләнгән балаларны һәм үсмерләрне тернәкләндерү үзәгенең “Тылсымлы тубал” проекты “Лукойл” иганәчелек фонды һәм “РИТЭК” җәмгыяте оештырган социаль һәм мәдәни проектлар конкурсында җиңү яулаган.

“Кешене акча боза. Бай булган саен саранлана баралар”, - дигән сүзләрне еш ишетергә була. Ләкин бу сүзләр Тырыш авылында туып-үскән, бүгенге көндә Кукмарада яшәп, эшмәкәрлек белән шөгыльләнүче, районыбызның иң юмарт иганәчесе Ясирә апа Гарифуллинага һич кенә дә кагылмый.

Казанның “Патриот” үзәгендә Бөек Җиңүнең 70 еллыгына багышланган хәрби спорт оешмалары һәм кадет корпуслары арасында “Җиңү варислары Союзы” дип аталган россиякүләм яшьләр сборы үтте. 12 көн дәвамында барган сборда Россиянең 46 төбәгеннән 52 команда, 600дән артык егет һәм кыз катнашты. Алар арасында якташларыбыз - Зур Кукмара авылы егете Айназ Нургалиев, Саба районының кадет-интернат мәктәбендә укучы һәм Кукмарадан Динар Хәйруллинар бар иде. Айназ шәхси зачетта гер күтәрү буенча үз үлчәү авырлыгында икенче урынны алса, команда составында фехтование буенча – беренче, каршылыклар аша йөгерүдә икенче урынны алды.

Зур Кукмара авылы мәдәният йортына белемле, тәҗрибәле, оста оештыручылар Рузилә Зарипова, Әмир Хәләветдинов, Рәшит Бакировлар эшкә алынганнан соң, моңа кадәр мәдәният хезмәткәрләренә кытлык һәм торгынлык чоры кичергән мәдәният учагыбызга җан керде, дисәк тә ялгыш булмас.

Чистайда Бөек Җиңүнең 70 еллыгына багышланган яшүсмерләр арасында самбо буенча 30нчы тапкыр республика турниры үткәрелде. “Зилант” спорт мәктәбеннән Алмаз Минесламов - беренче, Ислам Хәбриев, Рәзил Йосыпов – икенче, Искәндәр Шәрәфиев, Ленар Шәйфетдинов, Владимир Виноградов, Мурат Ибятовлар (тренер Марс Бадретдинов) өченче урыннарны алдылар.

Халыкны эш белэн тәэмин итү үзәге белгечләре “Уңышка юл” проектын тормышка ашыру йөзеннән, районыбызның беренче номерлы һәм Зур Кукмара мәктәпләренең 40 укучысына Казан шәһәренә, “КидСпейс” дип аталган балалар шәһәрчегенә экскурсия оештырдылар.

Быел мәдрәсәнең һөнәри бүлеген 41 шәкерт тәмамлады: ир-егетләр 21 кеше, хатын-кызлар исә – 20. Алар барысы да 4 еллык уку-укыту программасын үзләштереп, чыгарылыш имтиханнарын тапшырдылар һәм Диплом эшләрен якладылар. Ир-егетләргә “Имам-хатыйп”, ә хатын-кызларга “Ислам нигезләре мөгаллимәсе” квалификациясе бирелүен раслый торган дипломнар тапшырылды. Алар арасында инде хәзер дин өлкәсендә хезмәт итүчеләр – имамнар һәм мәхәлләләрендә дин белеме бирүче мөгаллимнәр бар.

Район газетасының яшьтәше белән очрашу насыйп булды әле. Өркеш авылында гомер кичерүче Шәйхулла абый Закиров “Хезмәт даны”ның беренче саны нәшер ителгән көнне - 1930 елның 14 сентябрендә дөньяга килгән.

Чишмәбаш авылында балалар Сабан туе узды. Аны бакча хезмәткәрләре бик күңелле итеп үткәрделәр. Бәйрәмгә авыл халкы да күп килгән иде. Балалар белән төрле милли уеннар оештырылды: чүлмәк тә ваттылар, күзне бәйләп әйберләр дә кистеләр, кашыкка йомырка куеп та йөгерделәр.