ЯҢАЛЫКЛАР

Рөстәм Миңнеханов тәкъдиме белән 2015 ел Татарстанда парк һәм скверлар елы дип игълан ителде. Ел кысаларында яшел ял итү зоналарын төзекләндерү буенча күләме һәм әһәмияте зур булган программа тормышка ашырылачак.

Республика Президенты фикер йөртүенчә, паркларны һәм скверларны төзекләндерү халыкта яңача ял итү мәдәниятен формалаштыра. Һәр кешенең үз күңеленә хуш килердәй шөгыль табарлык шартлар тудырылырга тиеш. Шәһәр тормышының уңайлы атрибутлары белән табигатьтә ял итү бергә кушылып, яшел зоналар җәмгыять тормышының яңа чыганаклары булачак.

Район Башкарма комитетында хокук бозуларны кисәтү буенча ведомствоара комиссиясенең чираттагы утырышы үткәрелде. Көн тәртибендә балигъ булмаган 14-18 яшьтәге балаларны җәйге каникуллар чорында эш белән тәэмин итү, җәмәгать урыннарында тәртип урнаштыру буенча ирекле халык дружиналарының эше, “Нараткай” сәламәтләндерү лагеренда җәмәгать тәртибен саклауны булдыру, хокук бозуларны кисәтү буенча ведомствоара комиссиянең составына үзгәрешләр кертү кебек мәсьәләләр каралды. Утырышны район Башкарма комитеты җитәкчесе урынбасары Азат Гарифуллин алып барды.

Азнакайда бадминтон буенча республика ярышлары узды.

2002-2003 елда туучылар арасында Зур Кукмара урта мәктәбе укучылары Фәридә Галимҗанова катнаш разрядта - көмеш, ә Әдилә Шигапова белән берлектә парлы разрядта бронза медальләргә лаек булдылар (тренерлары Мөнир Гыймадиев, Рәшит Гыйлаев).

Зур Кукмара, Манзарас урта мәктәпләре укучылары алдында Россельхознадзорның дәүләт инспекторлары Рифкать Галимуллин, Рәшит Хәйруллиннар “дәрес бирделәр”.

Иртәнге якта мәктәпне тәмамлаучылар өчен “Соңгы кыңгырау” чыңласа, төштән соң балалар арасында Сабантуй оештырылды. Бу көнне укучылар җәйге ГТО нормаларын тапшырдылар: озынлыкка сикерделәр, турникта тартылдылар, 100 метрга, тауга каршы йөгерделәр.

Яр Чаллы шәһәрендә “Яшь башкаручылар” Халыкара фестиваль-конкурсы узды. Кукмара балалар сәнгать мәктәбе укучысы Ирек Хаммадиев әлеге бәйгедән беренче дәрәҗә лауреат дипломы белән кайтты. Җитәкчесе - Лилия Хөснетдинова.

Йөзү буенча Казан шәһәре беренчелегенә үткәрелгән ярышларда Кукмара 4нче урта мәктәбенең 6 ”В” сыйныфы укучысы Илфирә Шәрипова, Казанның “Касатка” йөзү клубы составында уңышлы чыгыш ясап, 2нче призлы урынны яулады.

Янил урта мәктәбенең 11 сыйныф укучысы Гыйльфанова Динәрә (җитәкчесе Рәзинә Әхмәдуллина) республикакүләм “Сәләткә нур булган йолдызлар” бәйгесенең “Драматургия” номинациясендә “Гафу ит мине, әнкәй” дигән әсәре белән икенче урынны яулады.

Балалар арасында янгынга каршы сак караш тәрбияләү максатыннан, Балтач һәм Кукмара районара янгын күзәтчелеге бүлеге инспекциясе рәсем ясау, декоратив-гамәли, техник иҗат теркәү конкурслары үткәрде. Конкурста беренче урыннарны Хәким Тимергалиев, Мөхәммәд Гайнетдинов, Ангелина Егорова, Илүзә Галәвиева, Адель Галимуллиннар яулады.

Район Эчке эшләр бүлегенең тикшерү бүлекчәсе хезмәткәре Сиринә Шәйхетдинова “Татарстан-Яңа гасыр” телевидениесе аша баручы “Җырлыйк әле” тапшыруында катнашып кайтты. Тиздән әлеге тапшыруны һәм Сиринәнең чыгышын кукмаралылар да күрә алачак.