ЯҢАЛЫКЛАР

Үрәсбаш авылы китапханәсендә мәрхәмәтлелек атналыгы кысаларында укучылар белән “Чын дуслык кадере” дигән темага фикер алышу булды. Нәрсә ул дуслык? Сез аны ничек аңлыйсыз? Укучылар бу сорауларга һәрберсе үз фикерен белдерде.

23 апрель –Яхшы сүз көнендә – Лубян урман-техник көллиятендә күп төрле чаралар үтте.

21 нче апрель Янил авылы китапханәсендә дуслык көне уңаеннан “Дуслык илендә” исеме астында әңгәмә үткәрелде.

Ядегәр авылы китапханәсендә беренче сыйныф укучылары белән “Дуслыкның кадерен бел” исеме астында сыйныф сәгате узды. Китапханәче балаларны дуслык төшенчәсен аңлатты, дуслык турында шигырьләр, мәкаль һәм әкиятләр укыды.

Трыш авылы китапханәсендә балалар белән «Дуслык бәйрәме” үткәрде. Әлеге чараның максаты: укучыларның дуслык турындагыфикерләрен киңәйтү, үз-ара бәйләнеш булдыру, сөйләм телен камилләштерү, татар халык авыз иҗаты аша дуслык төшенчәсен аңлату.

23 апрель көнне балалар кипатханәсендә “Шәфкать” сәламәтләндерү үзәгендә тәрдияләнүче балалар өчен “Яхшы һәм ягымлы сүзләр” дип аталаган дәрес үтте. Балалар ягымлы сүзләрнең никадәр зур көчкә ия булганнарына төшенделәр.

23 апрель көнне кипатханәче Салимова Тәскирә язгы шәфкатьлелек атналыгы кысаларында “Тылсым” халыкка комплекслы ярдәм күрсәтү үзәгенә йөрүче пенсионерларга китап һәм җурналлар өләште.

Күкшел авылы китапханәсендә урта яшьтәге укучылар белән
”Дуслык- тормыш көзгесе” дигән тәрбия сәгате үтте. Әлеге чараның максаты укучыларда кешеләр арасындагы үзара мөнәсәбәтләрдә дуслыкның иң мөһим сыйфатларның берсе булуына ышаныч тәрбияләү.

21 апрель көнне Купка авылы китапханәсендә башлангыч мәктәпнең 2 сыйныф укучылары белән «Дуслык көне» уңаеннан «Чын дус» дигән балалар иртәсе үтте. Бу чарада китапханәче балаларга дуслык турында сөйләде. Максат: укучылар арасындагы узара мөнәсәбәтләрдә дуслыкның иң мөһим сыйфатларның берсе булуына ышаныч тәрбияләү. Соңыннан балалар дуслык турында уеннар уйнадылар.