ЯҢАЛЫКЛАР

Өстәмә белем бирү педагоглары арасында методик эшләнмәләр һәм проектлар Бөтенроссия конкурсы узды. “Методик эшләнмә” номинациясендә Кукмара балалар сәнгать мәктәбе укытучысы Рәзинә Фәтхуллина 1 урынны алды һәм диплом белән бүләкләнде. Ул бәйгегә фортепиано буенча пьесалар җыелмасын тәкъдим иткән иде.

31 май көнне, сәгать 9дан 10га кадәр Россия Федерациясе Дәүләт Думасы депутаты Илдар Гыйлметдинов һәм Татарстан Республикасы Дәүләт Советы рәисе урынбасары Римма Ратникова гражданнарны кабул итәчәк. Язылу өчен телефон номеры: 2-84-01.

25 май көнне район мәдәният йорты “Калинка” рус халык ансамбле Лаеш районы Никольское авылында үткән Республикакүләм “Каравон” рус халык фестивалендә катнашты.

24 май көнне Кызыл Тау авылы клубында “Кайда минем яшьлек елларым” дип аталган чара үткәрелде. Әлеге чарада катнашыр өчен Түбән Кама, Яр Чаллы, Мамадыш, Алабуга, Казан шәһәрләреннән, хәтта Ерак Себердән дә якташлар кайткан иде. Матур җырлар, дәртле биюләр, керәшен халкының уеннары башкарылды.

30 майда Халыкара балаларны яклау көненә багышлап Аш-Буҗи авылында 2000 елгы һәм аннан яшьрәк балалар арасында татарча көрәш ярышы үткәрелә. Үлчәү авырлыклары – 26, 29, 32, 36, 40, 45, 50 , 55 һәм аннан югары үлчәү авырлыгында.

Сәүдә нокталары булмаган кечкенә авылларга азык-төлек продукциясе ташу өчен район кулланучылар җәмгыятенә махсус машина кайтты. Ул һәр атнаны дүшәмбе көнне Иштуган-Түбән Кузьмес, сишәмбедә – Нормабаш-Чулыгино, чәршәмбедә Синер-Кенәбаш, пәнҗешәмбедә Яңа Никольское-Арпаяз, җомга көнне Тәмәй-Аш-Буҗи маршруты буенча авылларда сәүдә оештырачак. Ә шимбә көнне машина авылларга заявка буенча чыгачак.

29 майда чыгарылыш сыйныф укучылары мәҗбүри имтиханнарның беренчесен – рус теле буенча БДИ тапшырачак. Моның белән бәйле рәвештә Җәмәгатьчелек палатасы ел саен эшләп килә торган БДИ-2014 сораулары буенча кайнар линия ача. Гражданнар 7.00 сәг-тән 18.00 сәг-кә кадәр 8-800-700-8-800 номеры буенча (Россия буенча шалтырату бушлай) шалтыратып үзләренең сорауларын бирә яисә дәүләт имтиханнарында тәртип бозулар булуы хакында хәбәр итә ала.

Республикада аномаль эссе һава торышы хакимлек итә. Көннәрнең кызу торуы, яңгырлар яумау урманнарда янгыннар китереп чыгаруга да сәбәпче була. Татарстан Республикасы Министрлар кабинетының карары белән 23 майдан 14 июньгә кадәр халыкка һәм транспорт чараларына урманнарга керү тыела.

Казанда Бөтендөнья татар конгрессы һәм «Ак калфак» татар хатын-кызларының иҗтимагый оешмасы тарафыннан оештырылган II Бөтендөнья татар хатын-кызлары форумы булып үтте. Анда төрле өлкәләрдә югары уңышларга ирешкән, татар телен, мәдәниятен, халкыбызның гореф-гадәтләрен саклап калуга һәм үстерүгә өлеш кертә алган гүзәл затлар катнашты.

Анда район комиссиясе членнары катнашты. Көн тәртибендә җинаять-башкарма системасы учреждениеләрендә тотылучылар, шулай ук әлеге учреждениеләрдән азат ителгән, наркомания белән авыручыларны комплекслы тернәкләндерү, дәвалау, наркотик һәм психотроп матдәләр кулланучыларны транспорт средстволары белән идарә итүдән читләштерү, “Наркотикларсыз яшик!” акциясенең барышы турында сөйләнелде.