ЯҢАЛЫКЛАР

2026 елның 22 апрелендә боз сараенда 2025-2026 елгы сезонның муниципаль һәм республика дәрәҗәсендә чыгышлары нәтиҗәләре буенча иң яхшы чаңгычыларны бүләкләделәр.

2026 елның 22 апрелендә ФОРПОСТ белгече Алинә Кашапова «чаңгы узышлары» бүлекчәсендә тәрбияләнүчеләр белән «Ышаныч телефоны-куркынычсызлыкка адым» дигән темага әңгәмә үткәрде.

Татарстан Раисы Кукмара район Мәдәният йорты каршындагы халык театры режиссёры Рамил Сәләхетдиновны дәүләт бүләге белән бүләкләү турында Указга кул куйды. «Фидакарь хезмәт өчен» медале аңа мәдәниятне үстерүгә керткән зур өлеше һәм күпьеллык нәтиҗәле хезмәте өчен тапшырылды.

13-24 апрель көннәрендә бөтен Россия буйлап Роспотребнадзорның «Сәламәтлек диктанты» уза. Теләгән һәркем катнаша ала. Тест барлыгы 20–30 минут вакыт алачак, ә һәр катнашучы шәхси сертификат алачак.

2026 елның 20–23 апрелендә Татарстан башкаласы Казанда «Чәчәкләр китерегез Тукайга” дип исемләнгән XVI Бөтенроссия Габдулла Тукай исемендәге шигырь сөйләүчеләр конкурсы узды. Бу чара Россиянең төрле почмакларыннан килгән катнашучыларны берләштергән, шигърият һәм мәдәният сөючеләр өчен чын бәйрәмгә әверелде.

Быелгы конкурс дүрт мөһим датага багышланган иде:

бөек татар шагыйре Габдулла Тукайның тууына 140 ел тулу;

Россия халыкларының бердәмлеге елы;

Россия Театр эшлеклеләре берлегенең 150 еллыгы;

М. Сәлимҗанов исемендәге Актерлар йортының 85 еллыгы.

Конкурста Иске Юмья авыл китапханәсеннән Якимова Дарья һәм Туембаш авыл китапханәсеннән Шакирова Кәмила дә катнашты. Алар Габдулла Тукай әсәрләрен, шулай ук башка авторларның һәм үзләренең Тукайга багышланган шигырьләрен тәкъдим итте.

Ике катнашучы да дипломнар һәм истәлекле бүләкләр белән бүләкләнде.

«Кна вел» халык фольклор ансамбле «ЭТНОМИРИАДА» фестиваль-конкурсының «Фольклор ансамбльләре» номинациясендә югары бүләккә иреште. Коллектив тагын бер тапкыр исбатлады: мари халкының традицияләре ышанычлы кулларда.

Барыгызны да шигърият һәм иҗат сөючеләрне «ГАЛАКТИКА» иҗат киңлегендә узачак бәйрәм чарасына чакырабыз!

 25 апрель 10:00 сәгатьтә без бөек татар шагыйре Габдулла Тукайның тууына 140 ел тулуны билгеләп үтү өчен җыелабыз. Бу — районыбызда яшәүче һәркем өчен җылы һәм илһамлы очрашу булачак.

Чара программасында:

Яшь иҗатчылар белән танышу: районыбызда яшәп иҗат итүче яшь шагыйрьләрнең шигырьләрен ишетерсез.

Җиңүчеләрне котлау: «Язлар белән безгә Тукай кайта» муниципаль конкурсына нәтиҗәләр ясалачак һәм иң актив, сәләтле катнашучыларны бүләкләячәкбез.

Иҗади атмосфера: «ГАЛАКТИКА»ның уңай мохитендә фикердәшләр белән аралашу.

Әдәбиятны яратучыларны, туган мәдәниятебезне хөрмәт итүчеләрне әлеге чарада көтеп калабыз!

Сезне 22 апрельдә 13:00 сәгатьтә Югары Искубаш авыл китапханәсенең җылы мохитендә узачак «Туган ягым — батырлар төбәге» әдәби-музыкаль кичәсенә чакырабыз.

Бу гади концерт кына түгел, ә туган җиребезгә, аның бай тарихына һәм данлыклы шәхесләренә багышланган җылы очрашу булачак. Кичә программасында:

-туган табигать һәм каһарман үткән турында йөрәкләргә үтеп керерлек шигырьләр һәм җырлар;

-күңелнең иң нечкә кылларын тибрәтерлек музыкаль номерлар;

-барыбыз өчен дә үрнәк булган данлыклы якташларыбыз турында сөйләүләр.

Әйдәгез, бергәләп каһарманнарыбызның исемнәрен искә төшерик һәм туган телебезнең һәм моңның матурлыгына хозурланыйк.

Сезне 22 апрельдә 13:00 сәгатьтә Югары Искубаш авыл китапханәсендә көтеп калабыз. Керү ирекле.

1 апрельдән 15 июльгә кадәр хәрби хезмәткә язгы чакырылыш дәвам итә. Кукмара районы хәрби комиссары Альберт Гомәров үзгәрешләр турында сөйләде: чакыру кәгазьләре «Госуслуги» аша киләчәк, ә чакырылыш комиссияләре ел әйләнәсе эш режимына күчте. Чакырылучыларның берсе дә СВО зонасына җибәрелмәячәк.

Компьютер һәм интернетта эшләргә өйрәнгән 50 яшьтән өлкәнрәк гражданнарны шәхси казанышлар конкурсында катнашырга чакырабыз!

Бу — үз тәҗрибәң белән уртаклашу һәм үзеңне бөтен илгә таныту өчен менә дигән мөмкинлек.

Конкурс номинацияләре:

«Минем интернет-казанышларым»;

«Минем интернет-инициативам»;

«Мин — интернет-йолдыз»;

«Мин — волонтер»;

Укытучылар өчен махсус номинация «Авторлык укыту методикалары».

Катнашу тәртибе һәм сроклар:

«Интернет әлифбасы» (azbukainterneta.ru) сайтына кереп, «Конкурс» → «Катнашуга гариза» бүлеген табарга.

Гаризаны тутырырга һәм номинациягә туры китереп, конкурс эшен һәм ике фотографияне беркетергә.

Эшләрне кабул итү: 2026 елның 28 апреленнән 27 октябренә кадәр.Йомгак ясау: 2026 елның декабре.

Җиңүчеләрне абруйлы Конкурс комиссиясе билгеләячәк. Иң яхшы эшләр «Интернет әлифбасы» каналының «Дзен»ында басылачак.

Үзеңне күрсәтү мөмкинлеген кулдан ычкындырмагыз! Тулырак мәгълүмат — конкурс сайтында.