ЯҢАЛЫКЛАР

25 апрель көнне Кукмара үзәк китапханәсендә Кукмара шәһәренең Ч.Т.Айтматов исемендәге № 1 гимназияның 10 нче сыйныф укучылары белән берлектә, Габдулла Тукайның туган көне уңаеннан, “Тукай - татар шигъриятендә җидегән йолдыз” дигән әдәби сәгать үтте.

Китапханәче  Саттарова Лилия Рәис кызы шагыйрьнең тормыш юлы иҗаты, аның турында кызыклы фактлар  белән кыскача таныштырып китте, Тукайның шигырьләрен укыды. Шулай ук кичәдә “Салават күпере” иҗат берләшмәсенә йөрүче якташ язучылар үзләренең Тукайга, туган телгә багышланган шигырьләре укыдылар. Кичәдә электрон презинтация күрсәтелде. Г.Тукай тормышы һәм иҗаты турында китап күргәзмәсе эшләде. Әлеге чара Г. Тукайның “Туган тел” җырын бергәләп башкару белән тәмамланды. 

25 апрельдә С.В. Михалков исемендәге үзәк балалар китапханәсендә «Чулпан» балалар бакчасының өлкән төркеме балалары өчен  Фирдания Закирова татар шагыйре Габдулла Тукайның тууына 137 ел тулуга багышланган «Сандугачтай монлы Тукай теле» дигән әдәби кичә үткәрде. Кыска гына гомер кичереп, Тукай татар халкы өчен үлемсез мирас калдырды, аның яртысын диярлек балалар әдәбияты алып тора. Фирдания Фирдинант кызы балаларга презентация күрсәтте, шагыйрьнең авыр балачагы, аның тормышы һәм иҗаты турында сөйләде, «Габдулла Тукай – шигърият чишмәсе» дигән китап күргәзмәсенә күзәтү үткәрде. Балалар бөек шагыйрьнең шигырьләрен сөйләде. Чара ахырында балалар “Шүрәле”, “Су анасы”, “Эш беткәч уйнарга ярый” мультфильмнарын карады һәм “Туган тел” җырын башкарды.

24 апрель көнне хезмәт күрсәтү бүлеге баш китапханәчесе Гарипова Л.Д., 4 нче урта мәктәпнең 8 нче сыйныф укучылары өчен, Чернобыль фаҗигасенә 37 ел тулу уңаеннан, «Чернобыль - сынау көннәре» дигән электрон презентация белән мәгълүмати әңгәмә үткәрде. Чара барышында Лилия Дамировна һәлакәтнең масштабы, авария урынында радиацион зарарлануларны бетерү эше, радиациядән зыян күргән кешеләр һәм аларның язмышлары турында сөйләде.

Эковесна-2023 санитар-экологик икеайлыгы кысаларында Березняк авыл җирлеге халкы Аман Ошторма авылына керү юлы буйлап тәртип урнаштырды.

Бөтенроссия өмәсе һәм Эковесна-2023 санитар-экологик икеайлыгы кысаларында финанс органнары хезмәткәрләре Кукмара шәһәрендә паровоз янындагы территорияне чистартуны оештырдылар.

Бөтенроссия өмәсе һәм Эковесна-2023 санитар-экологик икеайлыгы кысаларында Спорт һәм мәгариф учреждениеләре хезмәткәрләре Кукмара шәһәренең зубило кибете артындагы чокыр территориясен чистартуны оештырдылар.

Кукмара муниципаль районы Башкарма комитеты һәм Советы хезмәткәрләре Эковесна-2023 санитар-экологик икеайлыгы кысаларында Бөтенроссия өмәсендә актив катнаштылар һәм Нурминка елгасы яр буендагы чишмә территориясен чистарттылар.

2022 ел йомгаклары буенча ел саен үткәрелә торган «Татарстан Республикасының иң яхшы территориаль иҗтимагый үзидарәсе» республика конкурсында җиңүчеләрне хөрмәтләү тантанасы. «Магистраль» ТОС рәисе Д.Г. Нуриева мактаулы 2 урынны яулады.

АНО социаль ярдәм үзәге НАЗ (Ласка) "үзебез беләбез, башкаларны өйрәтәбез!" проектында катнаша., ул ТР НКО белән ярдәм итү буенча Республика ресурс үзәге гранты хисабына Казанның «Азамат» иҗтимагый фонды тарафыннан гамәлгә ашырыла, әмма аның төп стратегик партнеры - «җан яшьләре» төбәк үзәге.

2023 елгы Бөтендөнья маляриягә каршы көрәш көне темасы. " инвестицияләр, инновацияләр һәм кертү нигезендә малярия буенча нуль күрсәткечләргә чыгарга вакыт җитте». Бу тема кысаларында Бөтендөнья сәламәтлек саклау оешмасы өченче компонентка игътибар итәчәк – кертү – һәм, аерым алганда, бүгенге көнгә кадәр булган кораллар һәм стратегияләр белән халыкның читләшкән төркемнәрен колачлауның критик мөһимлегенә.