ЯҢАЛЫКЛАР
Бүген Кукмарада “Ак калфак” Бөтендөнья татар хатын-кызлары иҗтимагый оешмасының күчмә утырышы узды. Әлеге чара “Оста кулда һөнәр бар” дигән исем астында үтте. Утырышта ун төбәктән, бер чит илдән һәм республиканың 29 районыннан килгән гүзәл затлар катнашты.
14 сентябрьдә Татарстан Республикасы Авыл хуҗалыгы һәм азык-төлек министрлыгы ярдәме белән Татарстан Республикасы Арча районының Яңа Кырлай авылында «Ат көне»нә багышланган ат-спорт ярышлары узачак. Чараны тантаналы ачу 11.00.
Ярышлар 40, 80 һәм 120 километр дистанцияләрдә оештырылачак, приз фонды 200 меңнән 300 мең сумга кадәр. Чара кысаларында өлкәннәр һәм яшүсмерләр өчен төбәк һәм халыкара йөгерү, «авыл егетләре» ат чабышлары, «Аударыш» атларында көрәш буенча конкурс, арбага җигү тизлеге буенча конкурслар һәм иң үрнәк алып бару һ.б. планлаштырылган. Бәйрәмнең иң күркәм үзенчәлеге - татар токымыннан булган атлар чабышы.
Моннан тыш, мәдәни-күңел ачу программасы, Казан шәһәренең балалар ат спорты мәктәбендә тәрбияләнүчеләрнең күрсәтмә чыгышлары, чүкү буенча мастер-класс, авыл хуҗалыгы продукциясе ярминкәсе, кайнар аш һәм концерт программасы оештырылачак.
Атларны яратучыларны яки ат спорты белән шөгыльләнүчеләрне ярышларда катнашырга һәм үзләрен күрсәтергә чакырабыз. Гаризалар 13 сентябрьгә кадәр түбәндәге телефоннар буенча кабул ителә:(843)279-29-20, 279-29-77 (88), 279-76-43 яки электрон адреска fkksrt@bk.ru.
Яңалыкларның татар версиясе: http://agro.tatarstan.ru/tat/index.htm/news/1552940.htm
ТР Авыл хуҗалыгы һәм азык – төлек министрлыгы матбугат хезмәте
Игелекле эшләр эстафетасын яшүсмерләр клубы "Атлант" күтәреп алды. 11 сентябрьдә "Көзге игелек атнасы-игелекле эшләр эстафетасы"# ДОБРЫЙТАТАРСТАН иреклеләр акциясе кысаларында "Игелекле җир" дип исемләнгән чара оештырылды. Чара икенчел чималдан эшләнмәләр ясау буенча мастер-класс булып торды. Чүп-чардан ясалган эшләнмәләр балаларны иҗади фикерләргә, хыялларын һәм вак моториканы үстерергә өйрәтәчәк. Өлкәннәр чүп-чар күргән җирдә бала илһам чыганагы таба һәм көнкүреш калдыкларына яңа тормыш бирә ала.
"Экстремизмга-ЮК" айлыгы кысаларында 2019 елның 10 сентябрендә Россия Эчке эшләр министрлыгының Кукмара районы буенча бүлеге базасында «Форпост» яшьләр хокук саклау хәрәкәтендә катнашучылар һәм волонтерлар өчен «терроризм һәм экстремизмга ЮК»дигән темага «хокук университеты» дәресе узды.
10 сентябрь көнне « Атлант» Ү/К хезмәткәрләре һәм яшьләр арасыннан булган иреклеләр халык һәм көллият укучылары арасында 100 дән артык «террорчылык актлары янаганда халык гамәлләре»буклеты әзерләнде һәм таратылды.
9 сентябрь көнне ЛЛТК стадионында «Спорт экстремизмга каршы» девизы астында футбол буенча иптәшләрчә матч узды. Уенның инициаторы һәм оештыручысы - яшүсмерләр клубы «Атлант» булды
Утырышта ун төбәктән, бер чит илдән һәм республиканың 29 районыннан килгән гүзәл затлар катнашты
11 сентябрь көнне Кукмара муниципаль районындагы мөмкинлекләре чикләнгән балалар һәм яшүсмерләр өчен “Шәфкать” тернәкләндерү үзәгендә «Көзге игелек атнасы - игелекле эшләр эстафетасы» акциясе кысаларында «Күңелле стартлар» спорт бәйрәме уздырылды. Бәйрәмдә 1 коррекция төркеме балалары катнашты.
Көзге игелек атнасы - игелекле эшләр эстафетасы #ДОБРЫЙТАТАРСТАН» акциясе кысаларында балалар китапханәсе китапханәчесе Хафизова Гөлфия кече яшьтәге мәктәп укучылары өчен «Игелеккә китап аша» дип исемләнгән китап күргәзмәсенә үткәрде. Ул В.Осеева, Л. Пантелеев, Е. Пермяк, М. Зощенко, Ю. Сотник китаплары белән таныштырды.
2019 елның 10 сентябрендә Кукмара шәһәренең " Галактика» Балалар Иҗат Үзәге базасында «уен кагыйдәләрендә үзгәрешләр һәм өстәмәләр»темасына хоккей буенча судьяларның республика семинары узды.