ЯҢАЛЫКЛАР

27.10.2018 Кукмара район мәдәният йорты каршында урнашкан иҗат төркеме Республика күләмендә үткәрелә торган көзге ярминкәдә концерт программасы белән катнашты.

Участок 375 чакрым юлга хезмәт күрсәтә

Балалар шигырьләр сөйләделәр, җырладылар, биеделәр

Роберт Миңнуллин Кукмара районы укучылары белән очрашты

3 тапкыр Европа һәм Дөнья чемпионы Россия җыелма командасы составында чыгыш ясаган

24 октябрь  көнне Кукмара үзәк китапханәсендә  китапханәбездә эшләп килүче  “Салават күпере” иҗат берләшмәсе белән Мәмәшир авыл китапханәсендә эшләүче  “Нур” клубына йөрүчеләрнең очрашу кичәсе булып үтте. Кукмара китапханәче   Саттарова Лилия Рәис кызы кунакларны клубның эшчәнлеге, җирле язучыларның иҗаты белән таныштырды.  Язучылар  үзләренең шигырьләрен укыдылар, җырлар  җырладылар. Кунаклар да үз сәләтләрен күрсәттеләр. Кичә бик җылы һәм күңелле үтте, ахырдан чәй өстәле артында дәвам итте.

Янил авылы  китапханәчесе кече яшьтәге мәктәп укучылары өчен “Сөмбелә” көз бәйрәме үткәрде. Әлеге конкурста 5 кыз җитезлектә, тапкырлыкта көч сынашты. Балалар көзгә багышланган рәсемнәр, поделкалар ясады. Һәр катнашучы үзенә туры килгән номенацияда җиңу яулады.

24нче октябрь көнне Кукмара Үзәк китапханәчесе Гарипова Лилия Дамир кызы КЦСОН “Тылсым”да ял итүче пенсионерлар өчен “Йөрәкләре һаман яшь әле” исемле ял сәгате үткәрде.

Лельвиҗ авылы китапханәчесе кече яшьтәге мәктәп укучылары белән «Берегись автомобиля!» дип исемләнгән әңгәмә үткәрде. Балалар юл кагыйдәләре, төрле знакларны танып белүдә үзләренең осталыкларын күрсәттеләр.

Балалар китапханәсендә  “Шәфкать” тернәкләндерү үзәгенә йөрүче балалар өчен “Алар барысын да белә: энциклопедия, сүзлек, белешмәлек” дип исемләнгән китапханә дәресе узды. Китапханәче Баһавиева Алсу балаларны яңа кайткан китаплар белән таныштырды, энциклопедия, сүзлек, белешмәлекләрдән файдалану тәртибен аңлатты. Балалар викторина сорауларына җавап бирде, мультфильм карады, дуслык, татулык темасына клип тыңлады.