ЯҢАЛЫКЛАР
Булачак урманчылар атна буе көллиятнең урман фонды территориясендә санитар-экологик чистарту эшләре алып бардылар
Каенсар авылы китапханәчесе башлангыч сыйныф укучылары белән А.Алишның иҗаты, әсәрләре белән таныштыру максатыннан “Язучы да Алиш, батыр да” дип исемләнгән китапханә дәресе уздырды. Китапханәче презентация ярдәмендә язучының биографиясе, иҗаты, балалар өчен иҗат ителгән әсәрләре белән таныштырды. Шулай ук нәниләр”Сертотмас үрдәк”, “Койрыклар”,“Нечкәбил”, “Бикбатыр белән Биккуркак” һ.б. китапларына күзәтү үткәрде. Сәнгатьле итеп укылган “Койрыклар” әкиятен балалар бирелеп тыңлады. Ә “Сертотмас үрдәк” әкиятен экраннан карау алар өчен тагын да кызыклырак булды. Соңыннан һәр бала А. Алиш әкиятләре буенча рәсемнәр ясады, фикер алышты.
Вахит авылы китапханәсендә уздырылган “Язучы да Алиш, батыр да” дип исемләнгән сыйныф сәгатендә башлангыч сыйныф укучылары катнашты. Китапханәче Рахимуллина Л.З. язучының тормышы һәм иҗаты турында сөйләде. “Батырлыкта – матурлык!” китап күргәзмәсенә күзәтү үткәрде. Шагыйрь-язучы А. Алиш герой-шагыйрь Муса Җәлил белән көрәштәш булган. Бергә концлагерь газапларын кичергәннәр һәм җәзаланып үтерелгәннәр. Алишның концлагерьдә язган шигырьләре укылды. Укучылар язучының әкиятләренә кагылышлы викторина сорауларына җаваплар бирделәр. Чара ахырында А.Алишның әкиятләре буенча төшерелгән мультфильмнарын карадылар.
Әсән-Елга авылы китапханәчесе Пычак урта мәктәбенең 7 сыйныф укучылары өчен “Читаем Льва Николаевича Толстого” дип исемләнгән әдәби дәрес үткәрде. Балалар язучының тормыш юлы аның иҗаты буенча төзелгән биремнәрне үтәп, видео-презентация карадылар.
Күкшел авылы китапханәчесе кече яшьтәге мәктәп укучылары өчен “Табигатьтә – кунакта” дип исемләнгән сәяхәт оештырды. Китапханәче балаларга әдәби уку оештырып, табигать темасына багышланган китаплар белән таныштырды.
Югары Арбаш китапханәчесе башлангыч сыйныф укучылары белән “Экстремизм-гасыр афәте”дип исемләнгән класс сәгате үткәрде. Китапханәче балаларга әлеге афәтнең ни дәрәҗәдә куркыныч булуын һәм әлеге ситуациядә кеше үзен ничек тотарга тиеш икәнлеген аңлатты.
Әсән-Елга авылы китапханәсендә терроризмга каршы көрәштә мәктәп укучылары белән “Безгә куркыныч яный” дип исемләнгән тәрбия сәгате үткәрде. Кешелек дөньясы өчен терроризмның нинди зур фаҗига булуы Бесланда булган терракт мисалында презентация ярдәмендә күрсәтелде. “Тоткын булсагыз, нишләргә?” дигән сорауга бергәләп фикер алыштылар.
Әсән-Елга авылы китапханәчесе бөек рус язучысы Л.Н.Толстойның 190 ел тулу уңаеннан, кече яшьтәге мәктәп укучылары өчен “Рисуем Толстого” дип исемләнгән рәсем конкурсы үткәрде.Укучылар китапханәче тарафыннан оештырылган “Толстой для детей”дип исемләнгән китап күргәзмәсе белән танышып,рәсемнәр ясадылар.
Терроризмга каршы көрәштә бердәмлек көне уңаеннан Пычак авылы китапханәчесе кече яшьтәге мәктәп укучылары өчен ”Экстремизмга – юк!” исемләнгән әңгәмә үткәрде. Китап укучыларыбыз, биремнәр ярдәмендә тормышыбызга куркыныч янаган очракта ситуациядән чыгу юлларын эзләделәр.