ЯҢАЛЫКЛАР
Зур Кукмара урта мәктәбенең 4 класс укучылары белән Халыкара туган тел көне уңаеннан "Туган телем- иркә гөлем" дигән темага әдәби кичә үтте. Укучыларга туган телебез, аның үткәне, бүгенгесе турында мәгълүмат бирелде. Туган телебез турында риваять сөйләнде, язучыларыбызның матур шигырьләре укылды һәм туган телебезгә багышлап "Кем тизрәк?", "Танышу", "Чын татар исеме", "Сүз өстә" һ.б. уеннар уйналды. Шулай ук туган телебезгә багышланган мәкальләр искә төшерелде. Һәр халыкның туган теле – аның мәдәнияте, тарихи көзгесе. Шуңа да телебез сафлыгы, матурлыгы, аһәңлелеге өчен барыбызга да армый-талмый көрәшергә, эшләргә кирәк. Туган телне яратыгыз, матур итеп сөйләшегез, тәмле телле булыгыз. Тырыш, акыллы, гыйлемле булып үсегез, дигән сүзләр белән кичәбез төгәлләнде.
Купка авылы китапханәчесе мәктәп укучылары белән” Справочно-поисковый аппарат библиотеки “ дип исемләнгән китапханә дәресе уздырды. Чара барышында китапханәче укучыларны алфавит системалы каталогларны ничек кулланырга,аларның килеп чыгышы, ни дәрәҗәдә кирәклелеге хакында сөйләп үтте.
Аш-Буҗи халкы өчен үтә дә мөһим, истәлекле вакыйга – авылның 400 еллык тарихын үз эченә алган китапны тәкъдим итү кичәсе үткәрелде. Бар халык әлеге истәлекле вакыйганы тамаша кылырга клубка җыйналды. Әйе, үткәнен белмәгән халыкның киләчәге юк, диләр бит. Ә ашбуҗилылар зур хәзинәле булды.
24 февраль көнне Киров өлкәсенең Сосновка шәһәрендә уздырылган V төбәкара "Уйнагыз, гармуннар!" фестивалендә район мәдәният йорты каршында эшләп килүче “Баламишкин” гармунчылар ансамбле, Күкшел авылы мәдәният йортының "Агымсу" гармунчылар ансамбле, Мәмәшир авылыннан Шаяхкамов Басир, Халиуллин Харис - баянчылар дуэты катнашып дипломнар һәм бүләкләр алып кайттылар.
Районда нинди чаралар була
Бозда Адай, Аш-Буҗи, Чишмәбаш, Вахит авылларыннан килгән дүрт команда очрашты
22 февраль көнне балалар китапханәсендә китапханәче Баһавиева Алсу А.М. Булатов исемендәге күппрофильле лицейның 4 в сыйныф укучылары өчен Халыкара туган тел көненә багышланган “Туган телем-иркә гөлем” дип исемләнгән дәрес презентация уздырды.
Балаларга телебезнең бай тарихы, күренекле шәхесләре, халык авыз иҗаты әсәрләре турында мәгълүмат тыңладылар. Халык авыз иҗаты җәүһәрләрен барлауда күп хезмәт куйган Нәкый ага Исәнбәтнең иҗаты белән таныштылар. Телне саклау, югалтмау, гореф-гадәтләрне онытмау-киләчәк буынның бурычы. Балалар кечкенәдән шуны аңлап үсәргә тиеш.
Китапханәче әкиятләр, аларның төрләре, “Алдавыч әкиятләр” турында сөйләде. Укучылар «Мәкальнең ахырын тап», “Тизәйткечне тиз әйт” кебек уеннарда катнашты, мәкаль-әйтемнәрне искә төшерде, табышмакларга җаваплар тапты, туган телгә багышланган шигырьләр сөйләде. Телне бозып сөйләшү очракларына көндәлек тормыштан алынган мисаллар китерелде.
“Тамчы” китап театрына йөрүче балалар “Шер-а-ля” әкиятен уйнап күрсәтте.
Авыл җирлекләрендә үткән ел башкарылган эш нәтиҗәләренә багышланган халык җыеннары Нырты һәм Ятмас Дусай җирлекләрендә үткәрелде.