ЯҢАЛЫКЛАР

21 апрель Россиядә Милли донор көне буларак билгеләп үтелә. “Мәрхәмәтле Татарстан” акциясе кысаларында “Зилант” спорт мәктәбендә шушы темага санбюллетень чыгарылды.

16 апрельдән “Зилант” спорт мәктәбендә “Яхшылык эшләргә ашык” девизы астында “Язгы мәрхәмәтлелек атналыгы” старт алды. Спорт мәктәбенә йөрүче балаларга мәгълүмат биреп бару максатыннан стенд ясалды.

“Ялкын” яшүсмерләр клубында “Язгы мәрхәмәтлелек атналыгы” кысаларында, районда яшәүче милләтләр дуслыгын ныгыту максатыннан, “Дуслык, тынычлык һәм теләктәшлек өчен” акциясендә катнаштылар. Тренировкага килгән һәрбер бала  зур кәгазь битендә үзләрен кулларны төшерделәр, районда һәм республикабызда яшәүче халыклар арасындагы дуслыкка теләктәшлек белдерделәр.

Татарның бөек язучысы Габдулла Тукайның тууына 130 ел тулу уңаеннан Кукмара үзәк китапханә китапханәчесе Саттарова Лилия Рәис кызы №4 гомумбелем бирү мәктәбенең урта сыйныф укучылары өчен “Тукай – шигъри чишмәбез” дип исемләнгән әдәби-музыкаль кичә үткәрде. 

21 апрель көнне “Шәфкать” тернәкләндерү үзәге хезмәткәрләре  “Язгы мәрхәмәтлелек атналыгы” кысаларында,  әйләнә-тирәне юыештыруда актив катнаштылар. Балык хезмәткәрләр бердәм булып өмәгә чыктылар, үзәк тирәсе чүптән арындырылды, агачлар киселде, агартылды.

“Кукмара якташлары” идарәсе вәкилләре күппрофильле лицейда поселок, Манзарас һәм Зур Кукмара мәктәпләренең өлкән сыйныф укучылары белән очраштылар.

22 апрель көнне “Олимп” боз сараенда Россиянең хоккей җыелма командасына теләктәшлек йөзеннән, ветаран командалар арасында иптәшләрчә очрашу үтте.

21 апрельдә "Җыр белән хезмәтне бәйләп" фестиваль-конкурсы кысаларында район мәдәният йорты сәхнәсендә Кукмара киез итек коллективы, Башкарма комитет һәм район Советы хезмәткәрләре чыгыш ясады.