ЯҢАЛЫКЛАР

29 гыйнварда район мәдәният йортында Зур Сәрдек халык театры Т.Миңнуллинның "Без бит авыл малае" спектакле белән театраль конкурска ишек ачты.

Ленинград блокадасын тар-мар иткән көн уңаеннан, Сәрдекбаш авылы китапханәчесе Набиева Гөлназ “Ләйсән” балалар бакчасы күчмә китапханәсе китап укучылары өчен “Ленинград блокадасы” турында презентация күрсәтте.

Республикада авыл юлларын төзекләндерүгә аеруча зур игътибар бирелә. Бактың исә, әлеге эшчәнлек буенча Россия төбәкләрендә Татарстанга тиңнәр юк икән. Россия Хөкүмәте рсепублика җитәкчелегенең бу эшчәнлеген бик югары бәяли...
 

Пенсия законнарындагы үзгәрешләр нигезендә эшләүче пенсионерларның пенсияләре 2016 елдан индексацияләнмәячәк. Индексация 2015 елның 30 сентябренә кадәр эшләмәгән пенсионерларга гына кагыла. Әгәр пенсионер үзмәшгульлек белән шөгыльләнеп, 2015 елның 31 декабренә кадәр Пенсия фондында исәптә торган икән, эшләүче булып санала. Әгәр пенсионер 2015 елның 30 сентябреннән соң, ягъни 2015 елның 1 октябреннән 2016 елның 31 мартына кадәр чорда эшләүдән туктаган икән, бу хакта Пенсия фондына хәбәр итәргә тиеш.

Яңа ел каникуллары чорында да Зур Кукмара мәктәбендә бәйрәм рухы сүрелмәде: биредә район мәгариф идарәсе һәм мәктәптән тыш эшләр үзәге белән берлектә оештырылган “Яшь профессионаллар” дигән район фестивале үтте. Әлеге мөһим чара укучыларның техник казанышлары һәм төрле юнәлештәге иҗат эшләреннән тупланган гаять бай күргәзмә белән танышудан башланды.

Югары Кузьмес авылы китапханәчесе Валентина Тухтарова, башлангыч сыйныф укучылары өчен, “900 дней подвига” дип исемләнгән әңгәмә үткәрде.

Түбән Комар авылы китапханәчесе Светлана Туктаева, урта яшьтәге укучылар өчен, “Ленинград блокадасы” уңаеннан, “900 блокадных дней” дип исемләнгән китапханә дәресе үткәрде.

Халык җыеннарының чираттагысы кичә Пычак, Березняк авыл җирлекләрендә үтте. Әлеге җирлекләрдә узган ел эшләнгән эшләр, алда торган бурычлар турында җирлек башлыклары Габделфәрт Нәфыйков, Альбина Сибгатуллиналар чыгыш ясадылар.