ЯҢАЛЫКЛАР

21 сентябрьдә, 12.00 сәгатьтә район Советы бинасында өченче чакырылыш район Советының беренче сессиясе була.

Район җитәкчесе Сергей Димитриев төзелеп килүче КУКМАРА промышленность паркы базасында Татарстан Республикасы экономика министрлыгы һәм ГИСУ вәкилләре катнашында чираттагы киңәшмә үткәрде.

Семинарда катнашучылар “Заря” бүлекчәсенең Иске Юмья, “Алга” бүлекчәсенең Березняк фермасында булып, терлекләрне асрау, ашату тәртибе белән таныштылар. “Әсәнбаш”та терлекчелектә күп күрсәткечләр узган елның шушы чоры белән чагыштырганда югарырак. Ләкин сөт җитештерүдә барлык резервлар да кулланылмый әле. Бүгенге көндә һәр сыердан көнлек савым 10,8 литр тәшкил итә.

2015 елның 15 сентябрендә социаль педагог Мубаракшина Д.В. балигъ булмаган балалар белән “Урлау, сугышу һәм талау өчен хокукый җаваплылык” темасына занятие үткәрелде.

“Шәфкать” мөмкинлекләре чикләнгән балаларны һәм үсмерләрне тернәкләндерү үзәгендә Республикабызның балалар хокуклары буенча вәкаләтле вәкиле Гүзәл Удачина һәм балигъ булмаган балалар эшләре һәм аларның хокукларын яклау буенча республика комиссиясенең җаваплы сәркатибе Илсөяр Гарифуллина булып киттеләр.

12 сентябрь көнне Кукмара бистәсендә ял һәм мәдәният паркын ачу тантанасы кысаларында күп төрле чаралар үтте. “Тылсым” халыкка комплекслы социаль ярдәм күрсәтү үзәге хезмәткәрләре “Квилинг”, “Декупаж”, “Оригами”, “Торцевание” технологияләрен кулланып мастер-класслар күрсәттеләр.

“Президент белән бергә!” республика иҗтимагый хәрәкәте инициативасы белән хәйрия эшчәнлеге мәсьәләләре буенча Республика советы теләктәшлегендә 14 сентябрь көнне “Көзге шәфкатьлелек атнасы – игелекле эшләр эстафетасы” дигән акция игълан ителде. Акция кысаларында район җитәкчесе Сергей Димитриев белән берлектә район Советы, Башкарма комитет хезмәткәрләре, оешма-предприятие җитәкчеләре иртәнге гимнастикага чыкты.

Парк һәм скверлар елы уңаеннан районда бик күп чаралар үткәрелә. Бүген поселокның 4нче мәктәп янындагы ял һәм мәдәният паркы да анда алып барылган төзекләндерү эшләреннән соң үзенең ишекләрен ачты. Тантаналы чарада район җитәкчесе Сергей Димитриев һәм башкалар катнашты.

12 сентябрь көнне балалар китапханәсе Көзге шәфкатьлелек атналыгы кысаларанда “Агач утырт” дигән акция үткәрде. Китапханә хезмәткәрләре, Кукмара Ч.Т. Айтматов исемендәге №1 Гимназиясенең 2 сыйныф укучылары әлеге акциядә актив катнашып, әйләнә-тирәне яшелләндерүгә өлешләрен керттеләр.