ЯҢАЛЫКЛАР

Ош.Юмья авылы клубында мәдәният хезмәткәрләре “Удмурт кенеш” милли-мәдәни иҗтимагый берләшмәсенең яшьләр бүлеге белән берлектә “Мисс-җәй” дигән конкурс оештырганнар. Бәйгедә Ош.Юмья, Урта Комар, Салкын Чишмә һәм Кукмара кызлары көч сынашкан. Гүзәл затларыбыз визит карточкасы, сәнгать номеры, аш-су, мода күрсәтү кебек конкурсларда үзләрен сынаган. “Мисс-җәй” титулына Ош.Юмьядан Юлия Михайлова ия булган.

10 август көнне социаль педагог Набиева Э.З. «Тылсым» халыкка комплекслы социаль ярдәм күрсәтү үзәгендә «Законнар илендә» проекты кысаларында балигъ булмаган балалар белән «Минем киләчәгем» дип аталган дәрес үткәрде.

Башкарма комитет җитәкчесе урынбасары Р.Галиева Кукмара почелогында яшәүче Куракина Надежда Дмитриевнаны 95 яшьлек юбилее белән котлады, аңа Россия Федерациясе Президентының котлау хатын, истәлек бүләге тапшырды, бәхетле озын гомер, ныклы сәламәтлек теләде.

Трыш авылында яшәүче Юнисова Гөлмаһирә Юныс кызына бүген 90 яшь тулды. Юбилярны юбилее белән политсовет секретаре С. Димитриев котлады, аңа Россия Федерациясе Президентының котлау хатын, истәлек бүләге тапшырды.

8 август көнне Россия күләмендә физкультурачылар көне билгеләп үтелде. Бу чарадан безнең район спортчылары, яшусмерләр, ветеран спортчыларыбыз да читтә калмады.

Башкарма комитет җитәкчесе урынбасары Р.Галиева Лельвиж авылында яшәүче Паерова Анна Максимавнаны 90 яшьлек юбилее белән котлады, аңа Россия Федерациясе Президентының котлау хатын, истәлек бүләге тапшырды, бәхетле озын гомер, ныклы сәламәтлек теләде.

Кукмарада яшәүче Асия Гатиятуллина бүген үзенең 90 яшьлек юбилеен билгеләп үтте. Тыл ветеранын туган көне белән район җитәкчесе Сергей Димитриев тәбрикләде, юбилярга Россия Президентының котлау открыткасын, үзенең Рәхмәт хатын, истәлек бүләге тапшырды. Шулай ук Ятмас Дусай авыл җирлеге башлыгы Фирая Гарифуллина да туган көн иясенә үзенең котлауларын ирештерде.

Кукмара поселогының «Разинское» ТИҮ-е (җитәкчесе Иванов Валентин Константинович) “ТР ның иң яхшы территориаль иҗтимагый үзидарәсе(ТИҮ-е)” дип исемләнгән республика конкурсында призер булды, бишенче дәрәҗә диплом һәм грант белән бүләкләнде.

17 августта Татарстан Республикасының кеше хокуклары буенча вәкаләтле вәкиле Сәрия Сабурская видеорежимда гражданнарны кабул итәчәк. Сәрия Сабурскаяга мөрәҗәгать итәргә теләүчеләр 15 августка кадәр 2-70-77 телефоны аша районның җәмәгать кабул итүенә шалтыратып хәбәр итәргә тиешләр.

7 август көнне балалар китапханәчесе Багавиева Алсу, тәртип бозуларны кисәтү максатыннан, “Шәфкать” сәламәтләндерү үзәгенә йөрүче балалар өчен “Без һәм безнең законнар” дип исемләнгән дәрес үткәрде.