ЯҢАЛЫКЛАР

Бу көннәрдә районыбыз предприятие-оешмалары, учреждениеләр район Мәдәният йортында Бөек Җиңүнең 70 еллыгына багышланган хәрби-патриотик концерт-тамашалар күрсәтәләр.

Бөтендөнья сәламәтлек көне уңаеннан Сәрдекбаш мәктәбендә спорт ярышлары узды. Ул көнне һәркем спорт уеннарында катнашты, дип хәбәр итте Заһид Мөхәммәтҗанов.

2015 елда Татарстанда Габдулла Тукай исемендәге Дәүләт премиясе кандидатлары исемлеге мәгълүм булды.
Татарстан Республикасы Президенты каршындагы Габдулла Тукай исемендәге Татарстан Дәүләт премияләре буенча комиссия, тапшырылган әсәрләрне һәм хезмәтләрне карап тикшергәннән соң, түбәндәге кандидатларны 2015 елда Габдулла Тукай исемендәге Татарстан Республикасы Дәүләт бүләгенә дәгъва кылуга тәкъдим итте/

Байлангар мәдәният йорты каршындагы мәйданда “Нәүрүз” бәйрәме үткәрелде. Спорт ярышларында катнашу, концерт номерларын карау белән бергә, бәйрәмгә килүчеләр Рәшидә Мусина, Тәнзилә Шәрәфиевалар пешергән Карга боткасыннан, Рушания Газизуллина пешергән кайнар коймактан авыз иттеләр. Халык бу көнне рәхәтләнеп ял итте, бүләкләр отты һәм бәйрәмнән күтәренке кәеф белән таралышты, - ди мәдәният йорты директоры Минзәлия Әгълиуллина.

“Ялкын” яшүсмерләр клубы һәм Зур Кукмара урта мәктәбендә “Аҗаган” хәрби-спорт уеннары узды. Әлеге чара Бөек Җиңүнең 70 еллыгына багышланган иде. Аны район мәктәптән тыш эшләр үзәге һәм хәрби комиссариат оештырды. “Аҗаган”да районның 23 мәктәбеннән 24 команда катнашты. Укучылар үзләрен төрле конкурс-бәйгеләрдә сынадылар. Уен нәтиҗәләре буенча кечкенәләр төркемендә беренче урынны - Кукмара 3нче мәктәбе, икенче урынны - күппрофильле лицей, өченче урынны Кукмара 4нче мәктәбе командасы алды. Өлкәннәр төркемендә беренчелеккә Кукмара беренче гимназиясе чыкты, икенче-өченче урыннарны Манзарас һәм Чарлы мәктәпләре командалары бүлеште.

Яшел Үзән шәһәрендә пауэрлифтинг буенча Татарстан Республикасы чемпионаты үтте. Үз үлчәү категорияләре буенча Валентина Борисова, Ләбибә Талипова (Кукмара) – беренче, Рамил Фаткрахманов (Чишмәбаш) – өченче, Алексей Семенов (Югары Комар) дүртенче урынга лаек булдылар.

1 апрель көнне Зур Сәрдек мәдәният йортында "Исәннәрнең кадерен бел, үлгәннәрнең каберен бел" дип исемләнгән Татарстан сәнгать осталары концерты булды. Сугыш һәм тыл ветераннарына бу концерт олы бәйрәм бүләге булды.

3 апрельдә Тат. Тулба авыл китапханәсендә “Балалар китабы көне” уңаеннан беренче сыйныф укучылары белән “Китап-минем якын дус” дип исемләнгән әдәби кичә узды.

Лаешта күз белән авыручылар арасында гандбол буенча республика чемпионаты үтте. Анда республиканың 11 районыннан килгән командалар көч сынашты. Районыбызның “Аргамак “инвалидлар командасы, составында Валера Николаев(Ош. Юмья), Рәис Шакиров (Кукмара), Рамил Фәткрахмановлар (Чишмәбаш) бәйгедә призлы өченче урынны яуладылар.

2 апрельдә Үзәк балалар китапханәсендә 4нче мәктәпнең башлангыч сыйныф укучылары өчен Кошлар көненә багышланган “Канатлы дусларыбыз” дип исемләнгән экологик дәрес узды. Биредә 61 бала катнашты.