ЯҢАЛЫКЛАР

26 декабрь көнне Дәүләт Советы каршындагы мәйданда Татарстан Республикасы Президенты муниципаль берәмлекләр конкурсы җиңүчеләренә “Шеврале-Нива” машиналары ачкычларын тапшырды. Җиңүчеләр исемлегендә Кукмара районыннан өч җирлек бар иде. Өр-яңа машина ачкычларын Села Чура җирлеге башлыгы Андрей Афанасьев, Манзарас җирлеге башлыгы Рашида Хабибуллина, Урта Комар җирлеге башлыгы Юрий Исынбаевлар алды. Җиңүчеләрне котлыйбыз, уңышлар телибез.

26 декабрь көнне Кукмара үзәк китапханәсе хезмәткәре Гөлнара Загидуллина “Шәфкать” сәламәтләндерү үзәгендә дәваләнү курсы узучы яшүсмерләр өчен “Яңа ел чыршысы янында” дип аталган чара үткәрде. Чыршы янында уеннар, конкурслар, викториналар оештырылды.

25 декабрь көнне “Олимп” Боз сараенда Кыш Бабай призына ветеран командалар арасында хоккей буенча турнир үтте. Кукмара, Арчы, Соновка командалары катнашты. Уен нәтиҗәләре буенча 1 урында - Кукмара, 2 урында - Арчы, 3 урында – Сосновка командалары калды. Кыш Бабай уенчыларны Яңа ел белән котлады, киләсе елда уңышлар теләде.

25 декабрь көнне Пахомова Валентина Геннадиевна “Современница” клубының чираттагы утырышын үткәрде. Чираттагы утырыш Яңа елны каршылауга багышланган иде. Китапханәнең даими укучысы Королева Валентина Анатольевна катнашучыларны котлап, чегән стилендә бик матур җыр башкарды.

Район Мәдәният йортында район җитәкчесенең чыршы бәйрәме булды. Бу чарага район мәктәпләрендә белем алучы укучыларның иң яхшылары–фән олимпиадаларында, төрле конкурсларда, спорт ярышларында җиңүчеләр, сәнгать мәктәбендә укучылар, шулай ук инвалид һәм тәрбиягә алынган ятим балалар, “Мәдәният көндәлеге”ннән актив файдаланучы укучылар чакырылган иде. Районыбыз җитәкчесе Сергей Димитриев аларны бәйрәм белән котлады.

Кукмараның Җиңү паркында Үзәк Чыршыны ачу тантанасы булды. Кыш гүзәле райондашларыбызга бар матурлыгында тәкъдим ителде. Бу уңайдан җыр-биюләр, уеннар белән үрелеп барган күңелле концерт оештырылган иде, ә Кыш бабай белән Кар кызының чыгышлары бәйрәмгә тагын да матур бизәкләр өстәде. Балалар рәхәтләнеп шугалакта шуды, өлкәннәр исә берсеннән-берсе остарак ясалган кар сыннарына карап сокланды.

24 декабрь көнне Кукмара үзәк китапханәсе уку залы хезмәткәре Салимова Тәскирә Харисовна “Тылсым” үзәгендә дәвалану курсы узучылар өчен “Идел журналына 25 ел” дип аталган әңгәмә үткәрде.

21 декабрь көнне “Зилант” спорт комплексында 1999 елгы малайлар һәм 1997-1998 елгы кызлар арасында волейбол буенча Кукмара районы Беренчелеге үтте. Ярышларда 4 малайлар: Манзарас мәктәбеннән ике команда, №4 мәктәп, Зур Кукмара командалары, 5 кызлар: Вятка Аланы, Зилант-1, Зилант-2, Поч. Сутер,Ядегәр мәктәбе командалары көч сынашты. Малайлар арасында 1 урын – №4 мәктәп, 2 урын – манзарас мәктәбе,Ґ 3 урын – Зур Кукмара мәктәте командалары бүлеште. Кызлар арасында 1 урын – зилант-1, 2 урын – Вятка Аланы, 3 урын - Поч. Сутер мәктәбе командалары алды.

Коррупциягә һәм наркоманиягә каршы көрәш буенча район комиссияләренең чираттагы утырышлары булды. Анда коррупцияне һәм наркоманияне кисәтү буенча хокук саклау органнарында, авыл җирлекләрендә, үзәк дәваханәдә, гомумбелем бирү учреждениеләрендә башкарылган эшләргә нәтиҗә ясалды.

Район Мәдәният йортында Мәдәният елын йомгаклауга багышланган кичә булды. Тынлы оркестр чыгышы белән башланып киткән бәйрәм зал тутырып килгән тамашачыларны моң дөньясына алып кереп китте. Районыбызда дус-тату гомер кичерүче татар, рус, мари, удмурт халыкларының дәртле биюләре, моңлы җырлары һәркемнең күңеленә хуш килде.