ЯҢАЛЫКЛАР

Узган атнада Ч.Т. Айтматов исемендәге №1 Гимназиясенең “Яшь коткаручы” отряды Казан шәһәренең “Патриот” үзәгендә үткән “Вперед, юнармейцы” Республикакүләм уеннарында катнашты. Яшь коткаручылар ярышларда уңышлы чыгыш ясап 5 призлы урын яуладылар.

5 октябрь көнне Кукмара №4 мәктәбендә 1-4 сыйныфлар өчен юлда йөрү кагыйдәләрен белүне ныгыту, балалар арасында травматизмны кисәтү максатыннан “Юл кагыйдәләре илендә” дип аталган балалар иртәсе үтте. Балалар әкият геройлары белән очраштылар, конкурсларда катнаштылар.

11 октябрь көнне Казан шәһәренең Агропромышленность паркында мәгариф оешмалары катнашында ярминкә үтте. Анда районның барлык мәгариф оешмалары катнашты. Сөт, ярма, бал җиләк-җимеш, яшелчә, шулай ук бәйләгән йөн әйберләре, үсентеләр тәкъдим ителде. Кукмара мәгариф Идарәсе ТР Авыл хуҗалыгы министрлыгының рәхмәт хатына лаек булды.

8 октябрь көнне Ч.Т. Айтматов исемендәге №1 Гимназиядә Казан Дәүләт аграр университеты педагоглары белән очрашу булды.

7 октябрь көнне Кукмара №3 мәктәбе базасында Казан милли тикшеренү технология университеты (КМТТУ) укытучылары белән очрашу булды.

11 октябрь көнне Нырты авылы мәдәният йортында Халыкара Өлкәннәр көненә багышланган кичә үтте. Шунда ук юбилярларны да тәбрикләделәр.

19 октябрь көнне “Зилант” спорт комплексында 2000-2001 елда туган малайлар һәм кызлар арасында баскетбол буенча район Беренчелеге үтәчәк. Башлана 9.00 сәгатьтә.

Туапсе шәһәре янындагы “Комсомольск” лагеренда “Орленок” Бөтенроссия Балалар үзәге өченче ел рәттән, төрле милләт балалары арасында Мәдәни Фестиваль уздыра. Быел Татарстаннан бу саллы Фестивальдә 50гә якын бала катнашты. Оештырылганнан бирле бу чараларда Рәсәйнең 37 регионыннан 800 кыз һәм малай үзләренең сәләтләрен күрсәтеп, тәҗрибә уртаклашканнар инде.

19 октябрь көнне “Олимп” Боз сараенда 2001 елгы малайлар арасында шайбалы хоккей буенча Кукмара һәм Баулы районы командалары катнашында Татарстан Республикасы Беренчелеге була. Башлана 9.00 сәгатьтә.

“Олимп” балалар һәм яшүсмерләр спорт мәктәбе 2008, 2009, 2010 елгы балаларны фигуралы шуу һәм шайбалы хоккей бүлекләренә чакыра. Фигуралы шуу буенча тренер-укытучы Пантелеев Игорь Олегович. Белешмәләр өчен телефон: 2-67-44.