ЯҢАЛЫКЛАР

Районыбызның Вахит авылында яшәүче Нияз Кәримуллин “Барс Медиа” компаниясендә урнашкан “Татар радиосы” уздырган “Татар радиосының 13 яшьлек туган көнен һәр сәгатьнең 13 минутында котла!” дигән викторинада катнашты һәм ике тапкыр җиңү яулады. Нияз махсус бүләкләр дә отты. Котлыйбыз!

Район прокуратурасының башка хокук саклаучы һәм күзәтчелек итүче органнар белән системалы, килешенгән эшчәнлеге нәтиҗәсендә, прокуратураның координацион роле сакланган хәлдә, агымдагы елның алты аенда билгеле бер уңай нәтиҗәләргә ирешелде.

Редакциябезгә хат юллаучы хәбәрчеләрнең күбесе поселоктагы чисталык, юлларның торышы, урамнарның яктыртылуы, су белән тәэмин ителүе, көнкүреш мәсьәләләре турында борчылып яза. Газета укучыларыбызның чираттагы сорауларына җавап эзләп, поселок башкарма комитеты җитәкчесе Фаил Газизовка мөрәҗәгать иткәч: “Әйдәгез, бер көн минем белән эшләп карагыз әле, Кукмараның нинди сулыш белән яшәвен, көн дәвамында бетмәс-төкәнмәс никадәр сорауларны хәл итүебезне күрерсез”, - диде.

Татарстан Президенты Рөстәм Миңнеханов иң яхшы хезмәткәрләргә дәүләт бүләкләре тапшырды. Бүләкләнүчеләр арасында райондашларыбыз да бар.

Районыбызда Татарстан Дәүләт Советы Рәисе Фәрит Мөхәммәтшин булып киткән иде. Район активы белән очрашуда ул районның мәдәният, социаль-икътисадый, җирле үзидарә үсешенә үзләреннән зур өлеш керткән өчен Олыяз авылының тарих-туган якны өйрәнү музее директоры Зөлхәбирә Якупова, “Строй-Гарант” җәмгыяте директоры Илсур Шәрипов, “Техстрой” җәмгыяте директоры Ринат Ваһапов, район Мәдәният идарәсе җитәкчесе Гөлнара Гарееваларга үзенең Рәхмәт хатларын тапшырды.

30 августта республикабыз шәһәрләрендә һәм районнарында “Яшел Россия” гомумроссия экология өмәсе үткәреләчәк. Анда яшәгән тирәлегебезне чүп-чардан арындыру, агачлар утырту каралган. Бу өлкәдә кукмаралылар да актив катнашыйк.

Нормабаш авылы буасында үткәрелгән балык тоту буенча ачык чемпионатка Кукмара, Менделеевск, Балтач районнарыннан 52 балыкчы җыелды. Ярышка бирелгән 2 сәгать эчендә алар барысы бергә 10 килограммнан күбрәк балык тоттылар.

Күптән түгел мин балаларым белән бергә Калуга өлкәсенең Думинич районында булып, Бөек Ватан сугышында һәлак булган әтием җирләнгән туганнар каберлеген зиярәт кылдым.

27 августта Зур Кукмара авылында күпфункцияле үзәк ачылды. Әлеге тантанада Татарстан Дәүләт Советы Рәисе Фәрит Мөхәммәтшин, аның урынбасары Римма Ратникова, район башлыгы Рауил Рәхмәтуллин һәм башка мәртәбәле кунаклар катнашты.

27 август көнне Кукмара үзәк китапханәсенең уку залында 3Д форматында фильм күрсәтелде.