ЯҢАЛЫКЛАР

29 ноябрь көнне “Зилант” спорт клубында кечкенә звено спортчылары өчен яңа ел бәйрәмнәре оештырылды. Алар өчен әкият геройлары катнашында күнел ачу программасы әзерләнгән иде.

“Зилант” спорт мәктәбе тренеры Марс Бәдретдиновны районда белмәүчеләр сирәктер. Аның кул астында шөгыльләнүче егетләр самбо, дзюдо буенча республика, Бөтенроссия ярышларында һәрдаим призлы урыннар ала.

“Зилант” спорт мәктәбендә шөгыльләнүче егетләр җәзаларны үтәү идарәсе призына Казанда узган дзюдо буенча республика турнирыннан җиңү белән кайттылар.

Бүген Кукмарада тантаналы вакыйга булды - халыкка дәүләт һәм муниципаль хезмәтләр күрсәтүнең сыйфатын яхшырту максатында күп функцияле үзәк ачылды. Үзәк кадастр палатасы, Росреестр идарәсе, мөлкәти һәм җир мөнәсәбәтләре палатасы, БТИ, җир бюросы, төзелеш һәм архитектура бүлеге, архив бүлеге, опека һәм попечительлек органнары, торак-коммуналь хуҗалыгы департаменты белән тыгыз килешүләр нигезендә хезмәттәшлек итәчәк.

Татарстан Республикасында 2010-2015 елларга "Киләчәк-Будущее" мәгарифне үстерү стратегиясе кысаларында Татарстан Республикасы Мәгариф һәм Фән министрлыгы "Иң яхшы мәктәп директоры" дигән грант булдырган иде. Быел әлеге грантка районыбызның Зур Сәрдек гимназиясе директоры Илсур Кәшәпов лаек булды. Котлыйбыз!

Кукмара халык театры коллективы Т. Миңнуллинның “Бәйләнчек” спектакле белән Манзарас авылы халкы алдында чыгыш ясады. Халык Рамил Сәләхетдинов, Харис Мустафин, Гөлнур Гарипова, Римма Сәләхетдинова, Рузания Нигматуллина, Лидия Ахметова кебек тәҗрибәле артистлар белән беррәттән Рөстәм һәм Рушан Зиннуровлар, Альмира Гафарова, Алсу Мингазова, Руфинә Габделхаева, Розы Бадышеваларның да чыгышларын җылы кабул итте.

31 декабрь көнне Җиңү Паркы каршындагы мәйданда “Иске елны озатканда” дип аталган театрләштерелгән тамашалы күңел ачу программасы була. Башлана 20.00 сәгатьтә. Рәхим итегез!

“Татмедиа” ачык акционерлык җәмгыятендә 2013 ел нәтиҗәләренә йомгак ясалды. “Ел лидеры – 2013” бәйгесендә “Хезмәт даны” (“Трудовая слава”) газетасы редакциясе коллективы “Теләк һәм тырышлык өчен” номинациясендә җиңеп, Диплом белән бүләкләнде.

Район мәдәният йортында 25 декабрьдән башлап балалар өчен яңа ел күңел ачу чаралары үткәрелә. Балалар сәнгать мәктәбе укытучылары һәм укучылары көче белән бик эчтәлекле программа әзерләгән иде.

Район Мәдәният йортында халкыбызның яраткан йоласы “Каз өмәсе” бәйрәме булды.