ЯҢАЛЫКЛАР

Балалар фольклор коллективларының “Моңлы тамчы” республика фестиваленең беренчесе Кукмарада үткәрелүе очраклы гына түгел. Чөнки районыбызда гомер итүче татар, рус, удмурт, мари һ.б. милләт халкы дистәләгән еллар дәвамында үзара дус булып, бер-беренең традицияләренә карата хөрмәт белән яши. Татарстан халыкларының мәдәниятен, гореф-гадәтләрен саклаучы “Гырон Быдтон”, “Семык” республикакүләм бәйрәмнәре дә районыбызда зурлап үткәрелә.

Россия Эчке эшләр министрлыгында тикшерү бүлеге оешуга 50 ел тулды.

Катлаулы, социаль яктан гаять әһәмиятле һәм җаваплы һөнәр ияләре - тикшерүчеләрнең хезмәте хакында сүз кузгатуга, дәлилләр җыю, фактларны исбатлау белән баштанаяк эшкә чумган полиция хезмәткәрләре күз алдына килә. Гаепләнүчеләрдән сорау алу, экспертизалар билгеләү, тикшерү-оператив төркем эшен оештыру өчен дә тирән белем һәм күнекмәләргә ия булу, төгәллек, һәр сүз һәм гамәл өчен җавап тота белү сорала.

“Урал” хуҗалыгы базасында авыл хуҗалыгы предприятиеләре җитәкчеләре һәм белгечләре катнашында семинар-киңәшмә үткәрелде. Семинарда катнашучылар “Урал” хуҗалыгының машина-трактор паркында, ындыр табагында булып, язгы кыр эшләренә хәзерлек белән таныштылар. Олыяз фермасында малларны кышлату барышы, терлекчелек продукцияләре җитештерүдә үсешкә ирешү һәм башка мәсьәләләр турында сөйләшенде. Киңәшмәнең пленар өлешендә терлекчелектә беренче квартал нәтиҗәләренә йомгак ясалды, язгы чәчүгә хәзерлек буенча төп бурычлар билгеләнде.

Семинар-киңәшмәдә район Башлыгы Рауил Рәхмәтуллин катнашты һәм чыгыш ясады.

2013 елның 1 апреленнән картлык буенча хезмәт, инвалидлык, караучысыз калган балалар өчен ала торган пенсияләргә индексация үткәрелеп 3,3 процентка арттырылды. Дәүләт тәэминатындагы пенсияләр 1,81 процентка артты. 2004 елның 22 августында кабул ителгән 122нче Федераль Закон нигезендә ай саен түләү ала торган аерым категорияле гражданнар өчен индексация 5,5 процент тәшкил итте. Социаль хезмәтләр җыелмасы 1 апрельдән 5,5 процентка индексацияләнә һәм бушлай дару алу өчен ярдәмгә 646,71 сум, шифаханә-курорт елын түләү өчен 100,05 сум, шәһәр яны тимер юл транспортында бушлай йөрү өчен 92,89 сум булып, социаль ярдәм җыелмасы 839,65 сум тәшкил итә.

Халыкка башлангыч медицина-санитар ярдәме күрсәтүне камилләштерүгә юнәлдерелгән чараларны тормышка ашыру йөзеннән быел Нырты табиб амбулаториясе, Мәмәшир, Янсыбы, Түбән Комар, Ятмас Дусай, Кенәбаш авылларында фельдшер-акушерлык пунктларын ремонтлау каралган. Ә Түбән Өскебаш һәм Яңа Комар авылларында “Нефтемаш” җәмгыятендә җитештерелгән модульле медпунктлар төзеләчәк. Түбән Өскебашта яңа пункт корылды инде, бары тик эчке эшләрен төгәллисе генә калды

Казанда балалар һәм яшүсмерләр арасында “Весенние выкрутасы” Халыкара конкурс-фестивале узды. Әлеге чара кысаларында декоратив-гамәли сәнгать әсәрләре буенча конкурс-күргәзмә дә оештырылган иде. Районыбызның мәктәптән тыш эшләр үзәге укытучылары Миләүшә Кайбушева һәм Светлана Бурцева үз укучыларының чигү, киездән башкарылган кул эшләрен тәкъдим иттеләр.

Лубян авыл җирлегендә “Урман чаңгысы – 2013” дигән өченче кышкы спартакиада узды. Кышкы спартакиадада Татарстан Республикасы урман хуҗалыгы министры Наил Мәгъдиев, министрның беренче урынбасары, Татарстанның атказанган урманчысы Харис Мусин, Татарстанның урман тармагы профсоюзлары республика комитеты рәисе Игорь Рзай катнашты.

Бүген районыбызда Татарстан Республикасы Мәгариф һәм фән министрлыгының коллегия утырышы булды. Әлеге чарада Татарстан республикасы Мәгариф һәм фән министрлыгының коллегия әгъзалары, федераль органнарның Татарстан республикасы буенча җитәкчеләре, Татарстан республикасы Дәүләт советы, мәгариф һәм фән министрлыгы вәкилләре, республика шәһәр һәм районнарының мәгариф бүлеге, мәгълүмати-методик үзәк җитәкчеләре катнашты.

Көннәр язга авышуга Кукмара аграр көллиятендә белем алучылар күмәк хуҗалыкларга, оешма-предприятиеләргә  практикага таралалар. Чыгарылыш курсының тракторчы-машинист белгечлеге буенча  белем алучы  49 студент 15 апрельдән Вахитов исемендәге, “Урал”, “Восток” күмәк хуҗалыкларында, “Дружба”, “Бөр”, “Әсәнбаш”, “Тукай” агрофирмаларында язгы кыр эшләрендә катнашачак. Майның 25енә кадәр булган практикадан соң аларны чыгарылыш имтиханнары көтә. Ә автомеханик белгечлеге буенча 3 курста белем алучы укучыларның ике төркеме (43 кеше) инде практикаларын башлап җибәрделәр. Районыбыз егетләре  бу көннәрдә “Урал”, “Рассвет” хуҗалыкларында, “Әсанбаш” агрофирмасында, “Автохан”, “Автодвор” автомастерскойларында практика үтә. Пешекчеләр хәзерләүче  төркемдә укучыларның 8 апрельдән, тегүчеләр, ташчыларның апрель ахырларында практикага китүләре планлаштырыла.

Җиде мең гектарга якын җирдә иген игеп, мал үрчетеп көн күрә Кукмара районы фермерлары.

-Бөртеклеләрнең һәр гектарыннан уртача 180-250 центнер уңыш алган, гектарында 180-205 центнер бәрәңге үстергән, 30-150 центнер терлек азыгы җыеп алган фермерлар да, чүп үләне үстереп ятучылар да бар.

Узган елга караганда терлек  икеләтә артты, ит-сөт продуктлары җитештерүдә ныклы үсеш күзәтелә: үткән ел районда сатылган итнең, сөтнең байтагы шәхси һәм фермер хуҗалыкларында җитештерелде. Әмма базар бәяләренең бөтендөнья сәүдә оешмасына керү белән түбәнәя баруы авыл хуҗалыгына, фермер хуҗалыкларының эшчәнлегенә тискәре йогынты ясый, - диде язгы кыр эшләренә әзерлек турында сөйләшергә-киңәшергә җыелган район фермерлары каршында чыгыш ясаган район фермерлары ассоциациясе рәисе Зөфәр Баязитов.