ЯҢАЛЫКЛАР

Җиңү паркы каршындагы мәйданда  Россия Эчке эшләр министрлыгының Кукмара районы буенча бүлеге хезмәткәрләренең гарнизон разводы булды. Анда район саклык бүлегенең шәхси составы, полициянең участок уполномоченныйлары, район юл хәрәкәте иминлеге дәүләт инспекциясе хезмәткәрләре катнашты.

Россия Президенты Владимир Путин “Россиянең хәрби дан көннәре һәм истәлекле даталар турында”гы Федераль законының 1.1 маддәсенә үзгәрешләр кертү турында” Федераль законга кул куйды.

Район Мәдәният йортында 18 китап авторы, үзенең әсәрләре белән укучыларда халкыбыз тарихына, гореф-гадәтләренә кызыксыну уяткан, “Ел китабы” номинациясендә күп тапкырлар беренче урынны алган язучы Нәбирә Гыйматдинова белән очрашу булды.

 Малмыж шәһәренең “Каскад” спорт мәктәбендә волейбол буенча ачык турнир уздырылды.

“Восток” хуҗалыгы базасында терлекчеләренең 2012 елдагы эш нәтиҗәләренә багышланган республика зона семинар-киңәшмәсе үтте. Анда ТР авыл хуҗалыгы һәм азык-төлек министр урынбасары Нәҗип Хаҗипов, район башлыгы Рауил Рәхмәтуллин, авыл хуҗалыгы һәм азык-төлек идарәсе җитәкчесе Рафак Хәлиуллиннар катнаштылар.

20 апрель - Россиядә донор көне. 1932 елның 20 апрелендә беренче тапкыр Петербург каласының яшь акушеры Андрей Мартынович Вольф бала тапканда күп кан югалткан хатынга кан салуны уңышлы башкара.

Район Мәдәният йортында ветераннар арасында үзешчән сәнгатьтә катнашучыларның II Республика “Балкыш” фестиваленең зона этабы үтте.

Анда Кукмара, Әгерҗе, Балтач, Мамадыш, Питрәч, Саба, Теләче районнарыннан килгән өлкән яшьтәге ветеран коллективлары чыгыш ясады.

Һәр мәктәп үзенең традицияләре белән көчле. Соңгы елларда мәктәпләрдә үз төбәкләреннән чыккан күренекле шәхесләр хөрмәтенә төрле спорт ярышлары үткәрү дә матур традициягә әйләнеп бара. 30 мартта Сәрдекбаш урта мәктәбендә Нәбиев Фидәил Мөзәкир улы истәлегенә укучылар арасында үткәрелгән теннис ярышы да вакытсыз арабыздан киткән якын кешебезне юксыну, аның турында күңелләрдә йөргән  истәлекләрне яңарту, укучыларның җиңүләрен күреп сөенү мизгелләре белән үрелеп барды. Быел өченче тапкыр үтүче бу турнирда районыбыз мәктәпләреннән 100гә якын укучы көч сынашты. Килгән кунаклар да, хөкемдарлар да яшь теннисчыларның осталыгы артуын билгеләп үттеләр.

Район Мәдәният йортында Татарстан Республикасы җирле үзидарә органнарының мобилизация буенча белгечләре ябык дәрес үткәрделәр.

Узган ел Крым шәһәрендә булган һаләкәт җирле хакимиятнең гадәттән тыш хәл булганда халыкка хәбәр итеп, мобилизация чараларын тормышка ашыра алмавын күрсәтте. Кукмарада үткән бу киңәшмә шушы мәсьәләгә багышланды.

Русиядә, шул исәптән Татарстанда да 1 апрельдән армиягә язгы чакырылыш кампаниясе башланды. 15 июльгә кадәр дәвам итүче әлеге чакырылышта Татарстаннан 5 меңгә якын егет хәрби хезмәткә алынырга тиеш. Безнең районнан исә бу юлы 70тән артык егет солдат итеге киячәк.