ЯҢАЛЫКЛАР
30 гыйнвар көнне вахит мәдәният йорты хезмәткәрләре "Сәламәтлек" берләшмәсенә йөрүче өлкәннәр белән скандинавча йөрү һәм фитнес күнегүләр ясау оештырды.
Тырыш авылы китапханәчесе 1-3 сыйныф укучылары өчен “Пластилин серләре” дип исемләгән мастер класс күрсәтте.Балалар пластилиннан әвәләп төрле яшелчәләр, күбәләкләр ясадылар. Чара ахырында иҗади күргәзмә оештырылды.
Югары Өскебаш авылы китапхәнәчесе авыл халкы өчен «Сәламәт тәндә, сәламәт акыл” дип исемләнгән сәламәтлек дәресе уздырды. Китапханәче чараны уен рәвешендә уздырып, чисталыкны саклау, дөрес туклану, көнне файдалы итү турындагы мәгьлүматны җиткерергә тырышты.
Студентларга полициянең участок уполномоченныйлары, җинаятьчеләрне эзләү һәм тикшерү бүлеге эшчәнлеге турында сөйләделәр
Өлге авылы китапханәчесе 6-7 сыйныф укучылары белән Ленинград камалышында катнашкан һәм блокада афәтен кичергән Салихова Хәтирә апада очрашуда булдылар. Дошман чолганышында калып, ачлыкны, ялангачлыкны, ачы суыкларны үз җилкәләрендә кичергәннәре турында, Хәтирә апа, балаларга хәтер йомгакларын сүтә-сүтә бик җентекләп сөйләде. Аның хәтерендә блокаданың һәр көне, һәр мизгеле сеңеп калган. Укучылар аның сөйләгәнен тын да алмый тыңладылар.
Кичә, 2019 елның 29 гыйнварында, Кукмара муниципаль районы Советының зур залында Кукмара районы башлыгы С. Д. Димитриев һәм Кукмара муниципаль районы Башкарма комитеты җитәкчесе А. Х. Гарифуллин катнашында мәгариф хезмәткәрләренең отчет коллегиясе булып узды
Зур Кукмара авылы китапханәчесе төрле яшьтәге мәктәп укучылары белән "Тапкырларга табышмак" кичәсе уздырды. Мондый кичә балаларга зиһеннәрен ныгытырга,үзара дуслыкларын арттырырга,буш вакытларын файдалы үткәрергә ярдәм итә.
Березняк авылы китапханәсендә “Һәр кешенең үз иманы булырга тиеш” дип исемләнгән түгәрәк өстәл артында әңгәмә узды. Монда яшьләр өчен “Чисталык -иманнан” дигән тәрбияви мәкалә укылды, дини календарьга күзәтү ясалды.
29 гыйнвар көнне Үзәк балалар китапханәсе Кукмара ш.т. п. "Кыңгырау «балалар бакчасы белән берлектә» Минем әти-әнием һөнәре" дип исемләнгән рәсем конкурсы үткәрделәр. Китапханәче Закирова Фирдания балаларны яңа һәм заманча һөнәрләр белән таныштырды, балалар белән теге яки бу һөнәр ияләре нинди сыйфатларга ия булырга тиешлеге турында сөйләште, шулай ук китапларга күзәтү ясады.
Конкурста мәктәпкә әзерлек төркеме балалары катнашты. Балалар рәсемнәре хисләр, илһам белән башкарылган. Рәсемнәр матур һәм бик матур килеп чыкты. Үткәрелгән бәйге балаларга әти-әниләренең эше белән тагын да күбрәк кызыксыну күрсәтергә мөмкинлек бирде. Алар эшләгән урынны күрә, кәгазьдә үз һөнәреңне күзаллый алдылар. Конкурс нәтиҗәләре буенча жюри йомгак ясады. Балалар китапханәсе исеменнән конкурста катнашучыларның барысына да грамоталар тапшырылды.
25 нче январь көнне КЦСОН “Тылсым”да ял итүче пенсионерлар өчен китапханәче Сәлимова Тәскирә Харис кызы “Гүзәл тормыш сәхифәләре” исемле тематик кичә үткәрде. Әлеге чара Галиәскар Камалның 140 еллык юбилеена багышланган иде. Кичә барышында Тәскирә Харис кызы пенсионерларны драматургның тормыш юлы, иҗаты белән таныштырды.