ЯҢАЛЫКЛАР

Кукмара туган төбәкне өйрәнү музеенда 16 апрельдән 16 майга кадәр “Бүләк итү” акциясе узачак.

Казан Ратушасында “Татарстанда елның иң яхшы территориаль иҗтимагый үзидарәсе” республика конкурсы җиңүчеләрен тәбрикләү тантанасы узды.

11 апрельдә Чишмәбаш авылы китапханәчесе Илсөяр Корбанова авыл клубына, "Иҗат көзгем -Туган ягым" кичәсенә, җирле каләм тибрәтүче авторларны очрашуга чакырды. Әсәрләрендә шушы якның кешеләренең язмышлары, туган җирнең бар гүзәллеге урын алган каләм ияләре үзләренең язмалары белән таныштырдылар.Кичәне клуб мөдире Нурия Галиева алып барды.Бер-бер артлы сәхнәгә күтәрелгән кунакларны авыл тамашачысы һәм Чишмәбаш башлангыч мәктәбе коллективы алкышлады. Гыйбрәтле хикәяләр авторы Фәридә Хисамова, Мөнәвәрә Шәфигуллина, шигырь язучылар Рәйханә Мостафина,Наилә Сәгъдиева, Рәмзия Хөсәеновалар сәхнәдән яңа әсәрләрен укыдылар. Илсөярнең бертуган апасы Финдия ханымның Илсөяр уйнаган баянга кушылып җырлаганын да бик яратып тыңладык.Бу кичәдә тагын ике нәфис сүз остасы бар идее әби белән онык Мөхәммәтҗанова Мәгъсүмә апа белән нәни Зәйнәп.Берсе сиксән яшьтә, икенчесе биштә генә булсалар да, чыгышлары искиткеч булды. Җырчы кунаклар Айдар Әхкәмов, Юныс Юнысовлар да яраткан җырларын суздылар, биюче кызлар бию белән дәртләндерде.Фәридә Хисамова хикәясе буенча сәхнәләштерелгән гыйбрәтле өзектә Илсөяр үзе һәм Абдуллин Фәндәс бик ышандырырлык итеп уйнадылар.Наилә Шакированың презентациясе һәм оештыручылар әзерләгән китап күргәзмәсе кичәне тагын да баетты.Тамашачыга рухи азык бирүдә, күңелләрдә милли әдәбиятка мәхәббәт тәрбияләүдә әһәмияте зур булган бу кичә турындагы матур истәлек әле безнең күңелләрдә озак сакланачак, зур рәхмәт сезгә кадерле хезмәттәшләр.

Өмәләрдә барыбыз да актив катнашыйк!

Үрәсьбаш авылы китапханәчесе  башлангыч сыйныф укучылары белән "Кеше хезмәте белән матур" дип исемләнгән әңгәмә оештырды.  Шушы истә тотып укучылар белән «Алга таба кая барырга?», «Нинди һөнәр сайларга?» дигән сорауларга җавап табылды, киләчәккә булган планнары турында сөйләшенде. «Много профессий хороших и разных» «Төрле матур һөнәрләр күп» дигән презентация күрсәтелде.

Үрәсьбаш авылы китапханәчесе "Оста куллар" түгәрәгенең чираттагы шөгелен үткәрде. Китапханәче крючок белән башмак бәйләү буенча мастер-класс күрсәтте. Соңыннан китапханәче яңа кайткан китаплар һәм газета-журналлар белән таныштырды.

10 апрель көнне Аш-Буҗи авылы китапханәсендә башлангыч сыйныф укучылары белән “Сәламәтлек” поездына сәяхәт”  дип исемләнгән  әңгәмә үтте. Сәяхәт вакытында cтанцияләрдә  тукталышлар булачагы әйтелеп, сорауларга җавап табылды. “Сәламәтлек иленә сәяхәт”презентациясен бик яратып карадылар.  Чара ахырында җиңүчеләр билгеләнде.

Кукмара муниципаль районы “Тылсым” халыкка комплекслы социаль хезмәт күрсәтү үзәге”нең “Наз” социаль - тернәкләнү  булегендә тернәкләнү узучы егерме өч кешенең һәр иртәсе “Үзеңә үзең булыш” технологиясе кысаларында дәвалау физкультурасы белән башлана.

Мәмәшир авылы китапханәсе “Ромашка” балалар бакчасындагы передвижкада тәрбияче белән берлектә “Чистота - залог здоровья” дип исемләнгән балалар иртәсе уткәрде.Әлеге чарада нәниләр чисталыкны иң беренче кулларны чиста тоту,сабынлап юуу,йоклый торган бүлмәләрнең һәрвакыт чиста тоту кагыйдәләренә төшенделәр.Соңыннан “Чисталык иленә сәяхәт” дип исемләнгән презентацияне зур кызыксыну белән карадылар. 

         Кукмара халыкка социаль хезмәт күрсәтү үзәге «Тылсым» өйгә йөреп  социаль хезмәт күрсәтү бүлекчәсе  белгечләре,  «Өлкәннәр өчен куркынычсызлык мәктәбе»  социаль программасын  тормышка ашыру кысаларында  егерме дүрт социаль хезмәтләрдэн файдаланучыларга чаралар үткәрелде.