ЯҢАЛЫКЛАР

Купка авылы китапханәчесе Рәхилә Йөзмөхәмәтова 28 август көнне “Ромашка” балалар бакчасында “Китапларны бергә саклыйк”дип исемләнгән тәрбия сәгате уздырды. Китапханәче балаларга кечкенәдән үк китапларны саклап тотарга,битләрен ертмаска,бөкләмәскә,пычырак кул кул белән томаска,китаптан төрле рәсемнәрне кисеп алмаска кирәклеге турында аңлатты.Чара төрле кызыклы мавыктыргыч уеннар белән тәмамланды. 

25 август көнне Чишмәбаш авылы "Акчарлак" балалар бакчасында китапханәче Курбанова Илсөяр " Табигатьне саклыйк" дигән эклологик сәгать үткәрде. Балалар табигать турында китаплар белән таныштылар, төрле уеннар уйнадылар, А. Алишның "Койрыклар" дигән китабыннан әкиятләрен тыңладылар.

24 август көнне Ятмас-Дусай авылы китапханәчесе кече- урта яшьтәге балалар белән “Күз чишмәсенә экскурсия оештырды. Бару юлында алар чишмә суының файдасы, чишмәнең килеп чыгу тарихы белән кызыксындылар. Экология елына багышланган бу акциядә китапханәче Венера Галиуллина алып килгән китапларга  күзәтү ясады.Соңыннан чишмә суыннан шифалы чәй кайнаттылар. Балалар бу сәяхәттән яңа тәэсирләр алдылар, уйнап рәхәтләнеп ял иттеләр, табигатьтә үзләрен ничек тоту кагыйдәләре белән таныштылар.

24 август көнне  Ваҗашур авылы китапханәчесе төрле яшьтәге мәктәп балалары белән велосипед ярышы уздырды. Мондый ярышлар  балаларның  юл кагыйдәләрен ничек белүләрен тикшерү, игътибарлы булырга, юл кагыйдәләренә буйсынырга өйрәтү, сәламәт яшәү рәвешен пропагандалау максатынннан оештырылды. Бәйгедә балалар бик теләп катнашты, җиңүчеләргә истәлекле бүләкләр тапшырылды.

Түбән Өскебаш авылы китапханәчесе кече яшьтәге балалар өчен«Герб, флаг – символы государства Российского» дип исемләнгән әңгәмә үткәрде.Балалар Татарстан символы, флагның төсләре хакында мәгълүмат алды.

Байлангар авылы китапханәчесе “Күңелле стартлар” уены үткәрде .Анда «Чей прыжок дальше?», «Кто самый ловкий?», «Скороговорки», «Кто быстрее?», «Догонялки». кебек уеннарда үзләренең көчләрен сынашты. Җиңүче командалар грамоталарга төрле бүләкләргә, лаек булды.

Байлангар авылы китапханәчесе Россия флагы көне уңаеннан «Флаг России – наша гордость» дип исемләнгән әңгәмә уздырды.  Әлеге чарада балалар бәйрәмнең тарихы белән якынрак  танышып, флаг төсләренең нәрсә аңлатуын тагын бер тапкыр исләренә төшерделәр. 

Россиядә 22 августта Россия Федерациясе Дәүләт флагы көне билгеләп үтелә. Ул Россия Федерациясе Президентының 1994 елның 20 августында “Россия Федерациясе Дәүләт флагы көне турында” Указы нигезендә гамәлгә куелган. Шушы уңайдан авыл китапханәләрендә төрле мәдәни чаралар гөрләп  узды.

Әсән –Елга авылы китапханәчесендә“22 август – Россия флагы көне” дип аталган  китап күргәзмәсе оештырды.

Сәрдекбаш авылы китапханәчесе Гөлназ Набиева, балалар бакчасы нәниләре өчен, “Флагны үз кулларың белән тот” дип исемләнгән әңгәмә үткәрде. Балалар Татарстан символы, флагның төсләре хакында мәгълүмат алды.

Күкшел авылы китапханәчесе тарафыннан“Государственный флаг России”дип исемләнгән презентация күрәтелү балаларда зур кызыксыну уятты.

Түбән – Арбаш авылы китапханәсендә Син беләсеңме?” дип исемләнгән викторина үткәрелде. Балалар төрле тарихи, герб, флаг, гимн белән бәйле булган сорауларга җавап эзләделәр, туган якның күренешләре төшерелгән пазллар җыйдылар. Ә ахырдан бергәләп матур итеп гимн җырланды.

Зур Сәрдек авылы китапханәсе үткәргән мәдәни чарада бик күңелле үтте. Наилә Шакирова чарага җыелган халыкка РФ Дәүләт флагы көненең истәлекле дата буларак билгеләнеп үтүен һәм флагның купгасырлык тарихы турында сөйләп узды.

Мәмәшир авылы китапханәчесе Зөлфия Габдуллина “22 август – Россия флагы көне” дип исемләнгән әңгәмә үткәрде. Китапханәче Россия флагы тарихы турында сөйләде.  Соңыннан китап укучылар арасында викторина үткәрелде. 

Ятмас Дусай авылы китапханәчесе урта яшьтәге мәктәп укучылары өчен “Дәүләтебез әләме” дип исемләнгән китапханә сәгате үткәрде. Укучылар әлеге көн хакында тулы мәгълүмат алды. Шулай ук китапханәче Л.В.Клюшникның “Наша Родина – Россия” исемле китабы белән танышты.