ЯҢАЛЫКЛАР

31 октябрьгә кадәр кадәр республикада "Агач утырту көне" акциясе бара. Аның кысаларында районның авыл җирлекләрендә, поселокта агач үсентеләре утыртыла.

Туембаш төп мәктәбе укучылары Алсу Әюпова, Миннегөлфия Нәбиева, Нәфисә Зариповалар “ТНВ” каналында баручы “Тамчы-шоу” телевизион тапшыруында катнашып кайттылар. “Көндәшләр – Биектау районыннан килгән укучылар иде. Безнең кызларыбыз өч турны уңышлы узганнан соң, 32 балл белән җиңүгә ирештеләр”, - дип хәбәр итте мәктәп директорының тәрбия эшләре буенча урынбасары Нурфия Зыятдинова.

Бер төркем актив ветераннар иң элек районыбызда быел башкарылган эшләр белән таныштылар. Аннан соң Кукмара 4нче урта мәктәбендә укучылар өлкәннәргә спорт, хәрби күңекмәләр күрсәттеләр. Очрашу чәй өстәле артында дәвам итте. Бәйрәмдә район башлыгы Сергей Димитриев та катнашып, өлкәннәргә котлау сүзләрен, теләкләрен җиткерде.

Укытучылар көне уңаеннан күппрофильле лицейда зур бәйрәм үткәрелде. Әлеге тантаналы чарага укытучылар, тәрбиячеләр, мәгариф ветераннары чакырылган иде. Бәйрәмдә катнашучыларны район башлыгы Сергей Димитриев тәбрикләде һәм бер төркем укытучыларга Мактау грамоталары тапшырды. Бәйрәм җыр-биюләр белән үрелеп барды.

Өлкәннәр ункөнлеге уңаеннан Зур Сәрдек авылы китапханәчесе Наилә Шакирова  мәдәният хезмәткәрләре белән берлектә  "Саумы, өлкән авылдаш"! дип исемләнгән бәйрәм концерты белән Чишмәбаш һәм Зур Сәрдек авылларында чыгыш ясадылар. 

8 октябрь көнне Ст. Юмья авылы китапханәчесе Лидия Макарова клуб хезмәткәрләре белән берлектә В. Юмья авылы мәдәният йортында өлкәннәр көне уңаеннан «Вы рядом и все прекрасно…» дип исемләнгән әдәби- музыкаль кичә үткәрде. 

4 октябрь көнне Ю. Кузмесь авылы китапханәчесе Валентина Туктарова клуб хезмәткәрләре белән берлектә өлкәннәр көне уңаеннан «Дорогие мои старики» дип аталган концерт оештырдылар.