ЯҢАЛЫКЛАР

20 ноябрь көнне Кукмара бистәсендә яшәүче Григорьева Марина Александровнага  90 яшь тулды. Башкарма комитет җитәкчесе урынбасары Рузалия Галиева, социаль яклау бүлеге начальнигы Светлана Замалиева  юбилярны 90 яшьлек юбилее белән котладылар, Россия Федерациясе Президентының котлау хатын, район Башлыгының  Рәхмәт хатын, истәлек бүләге тапшырдылар.

Район Башлыгы урынбасары Равия Каримуллина  һәм социаль яклау бүлеге начальнигы Светлана Замалиева Трыш авылында  яшәүче Сәләхова Мәгшия Сәләхетдин кызын 90 яшьлек юбилее белән котладылар.  Аңа Россия Федерациясе Президентының котлау хатын, район Башлыгының  Рәхмәт хатын, истәлек бүләге тапшырдылар, бәхетле озын гомер, ныклы сәламәтлек теләделәр.

20 ноябрь көнне  район Советы бинасында (адресы: Кукмара поселогы, Ленин урамы, 13) 09.00 - 12.00 сәгатькә кадәр бала хокуклары мәсьәләләре буенча гражданнарны кабул итү булды.

20 ноябрь көнне “Шәфкать” тернәкләндерү үзәгендә Бөтендөнья балаларга хокукый ярдәм көне һәм “Үлем белән кайда сату итүләрен хәбәр ит” акциясе кысаларында   район эчкеэшләр балигъ булмаганнар белән эшләү хезмәткәре Р.Р.Нуриев белән очрашу оештырылды.

19 ноябрь көнне  “Тылсым” үзәге инструкторы Ольга Михайлова, үзәкнең “Наз” социаль-тернәкләндерү  бүлегендә дәвалану курчы үтүче гражданнар белән Ял һәм культура паркында “Табигать белән берлектә” дип аталган ЛФК дәресе үткәрде. А.Н. Стрельникова методы буенча физик күнегүләр башкарылды. Саф һавада физик күнегүләр организмга уңай тәэсир ясый, нерв-психологик  торышны яхшырта. Өлкән яшьтә булуга карамастан, әлеге чарада катнашучылар канәгать калдылар, табигатьтән  үзләренәкөч алдылар. 

Кукмара үзәк китапханәсе хезмәткәре Саттарова Лилия Кукмара Ч.Т. Айтматов исемендәге №1 гимназиясенең 8 сыйныф укучылары өчен “Татарстан Республикасы милли китапханәсенә – 150 ел” дип аталган китапханә дәресе үткәрде.

18 ноябрь көнне Состамак авылында, башлангыч мәктәп бинасында, Кукмара район мәдәният Йорты үзешчәннәре көче белән “Кичке уен” бәйрәме оештырылды. Бәйрәм кысаларында зур концерт һәм милли биюләр, уеннар үткәрелде.

18 ноябрь көнне “Зилант” спорт мәктәбендә әниләр көненә багышланган спорт чарасы үтте. Чара спорт мәктәбе директоры Рөстәм Файзуллинның котлавы белән башланып  китте.  Волейбол бүлегенә  йөрүче балалар (җит. Наилә Хабибуллина) концерт номеры белән чыгыш ясадылар. Аннары әниләр арасында волейбол ярышы башланып китте. Киеренке көрәштән соң “Ракета” командасы җиңү яулады. Чара чәй өстәле артында дәвам итте.Мондый очрашуларны традициягә кертеп җибәрергә дигән фикер әйтелде.

Әлеге юнәлештә муниципаль программаны тормышка ашыру барышында күрелгән тикшерү һәм кисәтү чаралары, бюджет средстволарын рациональ файдалану, мәктәптәпкәчә һәм белем бирү учреждениеләрендә туклану нормаларының үтәлеше, районның сәламәтлек саклау, мәгариф, мәдәният тармакларында һәм хәрби комиссариатта комиссиянең эше һәм башка мәсьәләр каралды.