ЯҢАЛЫКЛАР

Казанның “Форсаж” клубында эчке эшләр органнарында хезмәт куючыларның балалары арасында картинг буенча чемпионат узды. Әлеге чарада район эчке эшләр бүлеге начальнигы Рамил Нургалиевның улы, күппрофильле лицейның өченче сыйныф укучысы Тимерхан катнашты һәм 78 кеше арасында 16нчы урынны алды, дип хәбәр итте ЮХИДИнең пропаганда бүлеге инспекторы Ранил Гыйниятуллин.

Казанның “Патриот” республика үзәге базасында Татарстанның хәрби-патриотик клублары катнашында слет узды. Әлеге чарада Кукмара беренче гимназиясенең Фәрхәд Гыйлаев җитәкчелегендәге “Яшь коткаручылар” отряды да үзләренең осталыкларын күрсәтте.

Балалар бакчаларында көзге бәйрәмнәр дәвам итә. Бүген Кукмараның 10 номерлы  “Ромашка” балалар бакчасының мәктәпкә әзерлек төркемендә дә Көзге бал үткәрелде. Балалар җырлап-биеп күңел ачты, әти-әниләргә матур тамаша күрсәтте. Көз кызы, гөмбәләр булып киенгән сабыйларның оста итеп уйнауларын, милли киемнәр киеп, татарча һәм зонтиклар белән биюләрен,  татар, рус телендәге җырларны башкаруларын һәркем сокланып карады.

Зур Сәрдек мәдәният йортында элек эшләгән авыл хуҗалыгы белгечләренең "Эх, бар иде яшь чаклар!"  дип исемләнгән очрашу кичәсе уздырылды. Кунаклар өчен бәйрәм табыны, фотокүргәзмә һәм концерт әзерләнде. Бәйрәм бик истәлекле һәм күңелле узды.

Кукмара Башкарма комитеты җитәкчесе Азат Гарифуллин Әсән Елга  авылында  яшәүче Зиганшина Мөршидә Нәҗип кызын  кызын  90 яшьлек юбилее белән котлады, аңа Россия Федерациясе Президентының котлау хатын, район Башлыгының  Рәхмәт хатын, истәлек бүләге тапшырды, бәхетле озын гомер, ныклы сәламәтлек теләде. Шулай ук юбиляры  социаль яклау бүлеге начальнигы Светлана Замалиева, Башкарма комитет җитәкчесе урынбасары Рузалия Галиева,  Пычак җирлеге башлыгы  Габделфәт Нафиков  тәбрикләде.

Мәмәшир мәдәният йортында солдат озату кичәсе уздырылды. Кичәгә, изге теләкләрен теләп калырга, егетләрнең әти-әниләре, сыйныфташлары, укытучылары, туганнары җыелды. Солдат буласы авылдашларга Мәмәшир авыл җирлеге әзерләгән бүләк, мәдәният хезмәткәрләреннән чигүле кулъяулыклар тапшырылды, солдат хезмәтенә багышланган җырлар һәм шигырьләрдән торган концерт куелды.

23 октябрь көнне Починок Кучук авылы клубында көзге бал кичәсе үтте. Көзге бал кысаларында яшь чибәр кызлар Көз патшасы исемен алу өчен көч сынаштылар. Чара төрле уеннар, конкурслар белән үрелеп барды.

24 һәм 25 октябрь көннәрендә “Олимп” боз сараенда 2006 елда туган яшүсмерләр арасында хоккей буенча Татарстан Беренчелеге үтте. “Ягуар”(Кукмара) – “Вятка” (Киров) уены 6:1, 9:2 гә тәмамланды.

 

Зур Сәрдек мәдәният йортында "Ак теләкләр, ап-ак юл сезгә!" дигән солдат озату кичәсе уздырылды.Авыл тарихында беренче тапкыр  бер нәселдән дүрт Гайфетдинов - Ризван, Рузәл, Искәндәр , Рәмисләр армиягә китәләр.Кичәгә, изге теләкләрен теләп калырга, егетләрнең әти-әниләре, сыйныфташлары, укытучылары, туганнары җыелды.Чыгыш ясаучылар арасында егетләргә җырлы сәлам алып килгән Адай егете Фәнзил Галимҗанов, Түбән Казаклардан Илгиз Сәмигуллиннар да бар иде.Солдат буласы авылдашларга Зур Сәрдек авыл җирлеге әзерләгән бүләк, мәдәният хезмәткәрләреннән чигүле кулъяулыклар тапшырылды, солдат хезмәтенә багышланган җырлар һәм шигырьләрдән торган концерт куелды.

 

Районыбызның элек "Коммунизмга" исемен йөрткән, алты авылны берләштергән данлыклы клохозының авыл хуҗалыгы белгечләре өчен, Зур Сәрдек мәдәният йортында очрашу кичәсе оештырылды. Очрашуга җитмешкә якын кеше җыелды. Кунаклар өчен мул бәйрәм өстәле әзерләнде һәм эчтәлекле тематик конөерт оештырылды.