ЯҢАЛЫКЛАР

Бөек Җиңүнең 70 еллыгы уңаеннан районыбызга Татарстанның Эчке эшләр бүлеге министры урынбасары, генерал-майор Рафаиль Гыйльманов килде. Ул Манзарас авылы зиратында җирләнгән якташыбыз, Советлар Союзы Герое Сабир Әхтәмовның каберенә чәчәкләр салды.

Башкала кунагы Сабир Әхтәмов исемен йөртүче Манзарас урта мәктәбендә дә булып, музей белән танышты, укучылар белән аралашты.

6 һәм 7 майда Чишмәбаш һәм Купка авылларында Зур Сәрдек авыл җирлеге мәдәният хезмәткәрләре көче белән оештырылган "Яз шатлыгы-күңелләрдә" дигән концерт узды.

Районыбызның Вахит авылында тантаналы вакыйга булды – сугышчан каһарманнар истәлегенә һәйкәл ачылды. Әлеге чарада район Советы рәисе урынбасары Равия Каримуллина, Вахитов исемендәге хуҗалык җитәкчесе Нәфыйк Хөсәенов, җирлек башлыгы Илгизәр Корбанов, чакырылган кунаклар, сугыш һәм тыл ветераннары, мәктәп укучылары катнашты.

Бүген, Березняк мәдәният йорты каршында, Бөек Җиңүнең 70-еллыгына багышланган митинг узды. Анда сугыш ветераннары, тыл хезмәткәрләре, авыл җирлеге Башлыгы, мәктәп укучылары һәм мәдәният хезмәткәрләре катнашты. Очрашу чәй өстәле артында тәмамланде.

Олыяз урта мәктәбенең Гомәр Хаҗиев җитәкчелегендәге “Хәтер”, Кукмара аграр көллиятенең Ринат Шакиров җитәкчелегендәге “Кар десанты” төркемнәренең Новгород өлкәсенең Үлем Үзәненә экспедициягә китүләре хакында хәбәр иткән идек инде.

Шушы көннәрдә экспедициянең бер вәкиле - Әмир Гыймадиевтан хәбәр килеп иреште. Ул түбәндәгеләрне язган һәм фотолар да юллаган:

-Без 29 апрельдә Новгород өлкәсенең Мясной Бор авылы янындагы Үлем Үзәненә килеп урнаштык. Ике көн эшләү дәверендә ике Совет солдатының сөякләрен җыеп алдык. Һава торышы әйбәт. Егетләр үзләрен яхшы хис итәләр, эшләргә теләкләре зурдан. 3 май көнне, 70 елдан соң, Совет солдатының кабере билгеле булды. Илсаф Кәримуллин тапкан солдатның медальоны да бар иде.

Кукмарада юл һәм тротуарлар төзекләндерү эшләре бара.

5 һәм 6 майда Адай һәм Аш-Буҗи авылларында Зур Сәрдек авыл җирлеге мәдәният хезмәткәрләре көче белән оештырылган "Яз шатлыгы-күңелләрдә" дигән концерт узды.

30 апрель көнне Починок Сутер авыл клубында, түгәрәк өстәл артынды, яшьүсмерләр һәм авыл яшьләре белән сәләмәт яшшәү рәвешен пропагандалаштыру максаты белән «Здоровый образ жизни – Валиология» дип исемләнгән әнгәмә оештырылды.

28 апрель көнне Починок Сутер авылы клубында Җиңүнең 70-еллыгына багышланган “Детство, опаленное войной” дип исемләнгән зур чара үткәрелде. Бу чарага сугыш чорында туган якташлар чакырулы иде.