ЯҢАЛЫКЛАР

Хезмәт хакларын вакытында түләмәү яки конвертлата бирү очраклары турында хәбәр итү өчен “Кайнар телефон” номерлары: 2-69-70, 2–60–57.

Базарлы Матак бистәсендә киокусинкай каратэ буенча сигез яшьлек һәм аннан зурраклар арасында беренчелек һәм чемпионат үтте. Ярышларда республиканың төрле шәһәр һәм районнарыннан 160 спортчы катнашты. Әлеге бәйгедә райондашларыбыз Рәмзил Әгъләмҗанов, Ирек Галимов – беренче, Фәрхәт Гәрәев, Ислам Хәкимҗанов – икенче, Камил Закиров өченче призлы урыннарны алдылар.

“Зилант” спорт мәктәбендә шөгыльләнүчеләр самбо көрәше һәм сугышчан самбо буенча Казанда үткәрелгән Татарстан чемпионатында катнаштылар.
Сугышчан самбо буенча Альберт Шәңгәрәев – беренче, Олег Тихонов – икенче, спорт самбосы буенча Кәрим Ибәтов – беренче, Александр Исаев – икенче, булат Закиров – өченче, Илназ Закиров бишенче урыннарга лаек булдылар.

Инвалидлар декадасы кысаларында “Шәфкать” балаларны һәм яшүсмерләрне тернәкләндерү үзәгендә Корбаш ашы уздырылды. Бәйрәм сые район халкы китергән корбанлык итләреннән әзерләнде. Мул табын артында вәгазьләр тыңланды, инвалид баласы булган мохтаҗ гаиләләргә сәдака акчалары таратылды. Шулай ук ул көнне хәйриячелек ярдәме дә күрсәтелде – инвалид бала тәрбияләүче авыр тормышлы гаиләләргә 30 килограммм корбан ите өләшенде.

Бөек җиңүнең 70 еллыгы уңаеннан “Җиңү салюты” фестивале дәвам итә. Янил авыл җирлегенең Вахит мәдәният йортында, Пычак авыл җирлегенең Әсән-Елга мәдәният йортларында шул уңайдан чаралар оештырылды.

9 декабрь - Геройлар көнне кысаларында, Кукмара үзәк китапханәсендә «Мы славим вас, Отечества сыны» дип исемләнгән китап күргәзмәсе оештырылды. “Тылсым” үзәгендә дәвалану курсы үтүче пенсионерлар өчен китапханәче Тәскирә Сәлимова “Батырларга дан” дигән тематик сәгать үткәрде.

9 декабрь көнне “Тылсым” халыкка комплекслы социаль ярдәм күрсәтү үзәгенең “Наз” социаль-сәламәтләндерү бүлегендә дәвалану курсы үтүче өлкәннәр өчен “Бөтен җәмгыять белән коррупциягә каршы” дип аталган түгәрәк өстәл артында сөйләшү оештырылды. Әлеге очрашуга ветераннар Советы рәисе Мияссәр Мансуров, Бөек Ватан сугышы ветераны Касыйм Давлетов чакырылган иде.

Урта Комар авыл җирлеге территориясенә кергән Түбән Комар авылында үзара салым акчасына җәяүле күпер төзелде.

“Идел-йорт” республика халык театрлары фестиваленә кичә йомгак ясалды. Тәбрикләү тантанасы Г.Камал исемендәге Татар дәүләт академия театрында узды. Анда исә фестивальгә нәтиҗә ясап, җиңүчеләрне атадылар. Туфан Миңнуллин әсәре буенча куелган “Бәйләнчек” спектаклен тәкъдим иткән район халык театры Гран-При иясе булды һәм зур бүләк – микроавтобус белән бүләкләнде. Тәбрикләүләрдән соң кукмаралылар тамашачыларга “Бәйләнчек” спектаклен күрсәттеләр.

Инвалидлар Декадасы кысаларында Кукмара үзәк китапханәсендә «Язмышларга буйсынмас җаннар» дип исемләнгән китап күргәзмәсе оештырылды. “Шәфкать” реабилитацион үзәгендә дәвалану курсы узучы яшүсмерләр өчен “Яхшылык тарат” дигән уен программасы үткәрелде.