ЯҢАЛЫКЛАР

7 октябрь көнне Аш-Буҗи авылы китапханәсендә укучыларны Рәшит Бәшәрнең тормыш һәм иҗат юлы белән таныштыру максатыннан балалар язучысы, шагыйрь һәм прозаик Рәшит Бәшәрнең 65 яшь тулу уңаеннан “Ул-балачак иленнән” дип аталган презентация күрсәтелде.

Район Мәдәният йортында Укытучылар көне уңаеннан зур бәйрәм узды. Мәгариф хезмәткәрләрен район җитәкчесе Сергей Димитриев, район мәгариф идарсе җитәкчесе Роберт Мансуровлар котлады. Бәйрәм тәбрикләүләр, җыр-бию белән үрелеп барды.

Районыбызның халык һәм җәмәгать судларында эшләүче хезмәткәрләр Биектауда узган “Фемида – в содружестве муз” республика конкурсының “Төньяк зона” турында катнашып кайттылар. Бәйгенең әлеге турында Балтач, Питрәч, Теләче, Саба, Әтнә, Арча, Кукмара, Биектау районнарының суд хезмәткәрләре чыгыш ясады.

Татарстанның авыл һәм районнары мәктәпләрендә эшләүче укытучылар өчен “Мәгариф” журналы оештырган “Авыл укытучысы-2014” конкурсында беренче урынны яулаган Рәмзия Бәшәрова “Татмедиа” бинасында узган җиңүчеләрне тәбрикләү тантанасында катнашып кайтты.

7 октябрь көнне “Тылсым” халыкка комплекслы социаль ярдәм күрсәтү үзәгендә дәваланучы пенсионерлар өчен китапханәче Салимова Т.Х. “Туган ягы кирәк кешегә” дип аталган кичә үткәрде.

Казанның “Пирамида” мәдәни-күңел ачу үзәгендә авыл хуҗалыгы һәм эшкәртү сәнәгате хезмәткәрләре көненә багышланган бәйрәм чарасы үткәрелде, анда районыбыздан да бер төркем җитәкчеләр һәм хезмәт алдынгылары катнашты.

Район җитәкчесе Сергей Димитриев кукмаралыларны  Корбан бәйрәме белән котлады.
- Хөрмәтле райондашлар, бәйрәм кунаклары! Сезне Корбан бәйрәме белән котлыйм. Һәрбер дини бәйрәм тормыш мәгънәсе, бүгенге яшәешебез, күңел халәте турында тагын бер кат уйланырга мөмкинлек бирә. Мөселман дөньясы өчен иң зур бәйрәмнәрнең берсе булган Корбан гаетендә дә изге гамәлләр кылырга, якыннарыгызны гына түгел, ярдәмгә мохтаҗ булганнарны да сөендерергә язсын.
Кылган гамәлләрегез тормышка ашып, шушы изгелекләр тормышыбызга ямь, районыбызның һәр тармагында уңышка ирешеп, тормышларыбызга бәрәкәт өстәлсен.
Барыгызга да исәнлек, саулык, сәламәтлек, мул тормыш һәм тынычлык телим.

Башлангыч ветеран оешмасы җитәкчеләре, актив яшәү рәвеше алып барган пенсионерлар иң элек районыбызда соңгы елларда сафка баскан объектларда булдылар. Аннан соң бәйрәм Кукмара күппрофильле лицеенда әзерләнгән чәй өстәле артында дәвам итте. Өлкәннәрне район җитәкчесе Сергей Димитриев котлады.

Терроризмга каршы көрәш максатыннан, 28 сентябрь көнне Янил авылы китапханәсендә “Экстремизм нәрсә ул?” дип исемләнгән әңгәмә үтте. Барлыгы 12 бала катнашты.

26 сентябрьдә Вахит авылы китапханәсендә “Экстремизмга-юк!” дип исемләнгән батырлык дәресе үтте. Әлеге дәреснең максаты- укучыларны бер-береңә карата мәрхәмәтле, шәфкатьле, ярдәмчел булырга өйрәтү, җаваплылык хисе тәрбияләү, тыныч тормышның кадерен белеп, һәркем өчен кадерле һәм кыйммәтле булган гомерне саклап, һәрчак уяу булып яшәү кирәклеген аңлату. Экстремизм, терроризм сүзләренә аңлатма бирелде.