ЯҢАЛЫКЛАР

Татарстан Республикасында милләтара һәм конфессияара бердәмлекне ныгыту, терроризм һәм эстремизмны кисәтү, социаль, этник нигездә конфликтларны булдырмау, халыкта терроризм һәм экстремизм идеологиясенә түзеп тора алмау атмосферасы булдыру максатында республикада "Экстремизмга - юк!" дигән айлык игълан ителде. Ул 30 сентябрьгә кадәр дәвам итәчәк.

Кукмара-Шәмәрдән автомагистраленең Бөяр тавы өлешендә реконструкция эшләре тәмамлану сәбәпле, Кукмара -  Шәмәрдән маршрутында автобуслар элеккечә йөри башлады. Кукмара автовокзалыннан автобус иртәнге 5 сәгать 5 минутта, 11 сәгать 30 минутта, 16 сәгать 35 миннутта кузгалып китә.

Явар-яумас торган болытлар таралуын көтеп торган арада, Татарстан Диния нәзарәте баш казые Җәлил хәзрәтнең тыныч кына әңгәмә коруын күреп, халык аның янына елышты: буш сүз сөйләмәс!

Республика көне уңаеннан районыбызның Җиңү паркы каршындагы мәйданда "Чәчәк бәйрәме" узды

Шушы көннәрдә башкалабызда V Бөтендөнья татар яшьләре корылтае узды. Форумда Кукмара районыннан делегат буларак Олыяз авылы кызы, үзе җырчы, үзе сәхнә остасы Римма Галиева белән без дә катнаштык.

Кукмара районы прокуратурасы экстремистлык эшчәнлегенә каршы тору турындагы законнарның үтәлешенә күзәтчелек итүне 25.07. 2002 елгы 114 санлы "Экстремистлык эшчәнлегенә каршы тору турында"гы Федераль закон һәм РФ Генераль прокурорының "Экстремистлык эшчәнлегенә каршы тору турындагы законнарның үтәлешенә прокурор күзәтчелеген оештыру турында"гы 19.11.2009 елгы 362 санлы приказы нигезендә башкара. Әлеге законның үтәлешенә күзәтчелек итү район прокуратурасы эшчәнлегенең мөһим юнәлешләреннән берсе булып санала. Бу хакта тәфсилләп сөйләвен үтенеп, район прокуроры М.Нәҗиповка мөрәҗәгать иттек.

Район мәгариф хезмәткәрләренең традицион август киңәшмәсен быел да яшь укытучылар башлап җибәрде. Кукмара 4нче урта мәктәбендә узган слетка төрле уку йортларын тәмамлаган 16 яшь белгеч чакырылган иде. Әлеге чарада мастер-класслар күрсәтелде, мөгаллим-мөгаллимәләр үзара фикер алышып, түгәрәк өстәл артында әңгәмә кордылар. Икенче көнне мәктәп директорлары, аларның укыту-тәрбия эшләре буенча урынбасарлары, аерым фән укытучылары секцияләргә бүленеп эшләделәр, быелгы киңәшмәнең төп темасы булган "Мәктәп - дәресләрдән соң" дигән проектны тормышка ашыру юллары хакында сөйләштеләр.