ЯҢАЛЫКЛАР

Кукмара муниципаль районындагы мөмкинлекләре чикләнгән балалар һәм яшүсмерләр өчен «Шәфкать» тернәкләндерү үзәгендә һөнәри юнәлеш бирүче зур эш алып барыла.

19 февраль көнне Ватанны саклаучылар көне алдыннан балалар китапханәсе хезмәткәре Фирдания Закирова «Миләшкәй» балалар бакчасына йөрүче балаларга «Менә без солдатлар!» дип исемләнгән әдәби-уен программа үткәрде.  Укучылар игътибарына Ватаныбызның героик сәхифәләренә багышланган слайд-презентация тәкъдим ителде. Китапханәче балаларга бәйрәмнең данлы тарихы турында сөйләде, ни өчен аны 23 февральдә билгеләп үтәләр, ни өчен «Ватан» сүзе зур хәрефтән языла. Балаларны «Ватанны саклаучыларга дан» китап күргәзмәсендә тәкъдим ителгән китаплар белән таныштырды.

Соңыннан балалар зур кызыксыну белән төрле конкурсларда һәм уеннарда катнашты, табышмакларга җавап бирде. Заманча самолетлар, танклар, вертолетлар, пушкалар сурәтләнгән рәсемнәрне бик теләп буядылар. Бу рәсемнәрне балалар әтиләренә һәм бабаларына бүләк итәчәк. Чара «Ватанны саклаучылар» видеофильмын һәм «Безнең армия-иң кыю» видеоклипын карау белән тәмамланды.

18 февраль көнне балалар китапханәсендә Пычак урта мәктәбенең 5 сыйныф укучылары кунакта булдылар. Китапханәче Гөлфия Хафизова балалар өчен экскурсиясе үткәрде. Балалар абонемент һәм уку залы, китапханә кагыйдәләре, ТАССРның 100 еллыгына, Җиңүнең 75 еллыгына, Кукмара районының 90 еллыгына багышланган актуаль китап күргәзмәләре белән танышты. Балаларны төрле энциклопедиялар, матур журналлар һәм китаплар кызыксындырды. Аларны зур кызыксыну белән карадылар һәм укыдылар.

18 көнне балалар китапханәсе хезмәткәре Фирдания Закирова Халыкара туган тел көненә багышланган “И туган тел, и матур тел" дип исемләнгән шигырь бәйрәме үткәрде. Чарага 6 нчы номерлы «Сават күпере» балалар бакчасының мәктәпкә әзерлек төркеме балалары чакырылган иде. Китапханәче балаларга бәйрәмнең тарихы турында сөйләде, халык иҗатының төрле жанрлары, балалар фольклоры әсәрләре белән таныштырды, татар шагыйрьләренең Р.Фәйзуллинның, А. Мәхмүтованың, Г. Әхтәмованың шигырьләрен укыды. Балалар шигырьләр сөйләде, табышмакларга җавап бирде, мәкальләр искә төшерде, уеннарда катнашты, «Туган телем» видеоклипын карады, татар, рус, удмурт җырларын һәм биюләрен башкарды. Әлеге чарага "Дөньяда иң матур тел, ул минем туган телем" дигән китап күргәзмәсе оештырылды, анда туган тел турында китаплар, фольклор әсәрләре, әкиятләр, мәкальләр, табышмаклар, тиз әйтемнәр тәкъдим ителде. Балалар Г.Тукай сүзенә язылган "Туган тел" җырын башкардылар. Чара китапларга күзәтү белән тәмамланды.

2020 елның 18 февралендә «Олимп» спорт мәктәбендә тренер Д.Ф. Сәйфетдинов сәламәт яшәү рәвешен профилактикалауга юнәлдерелгән «Мин - тормыш хуҗасы» дигән темага әңгәмә үткәрде.

Байлангар авылында сугышчы-интернационалистларга куелган һәйкәл янында совет гаскәрләренең Әфганстаннан чыгарылу көненә багышланган митинг булды.

 Аның төп темасы: “Хезмәт базары: төшенчәсе һәм функцияләре”. Максатчан төркем белән очрашу кысаларында хезмәт базарының төшенчәсе һәм асылы, социаль функциянең керемнәрнең нормаль дәрәҗәсен һәм җәмгыятьнең муллыгын тәэмин итүдән гыйбарәт булуы турында әңгәмә үткәрелде. Чарада катнашучылар шулай ук «Һөнәр калейдоскобы» дигән видеоролик карадылар, шулай ук чара ахырында йомгак ясалды, буклетлар өләшенде.

17 февральдә Россия Федерациясе авыл хуҗалыгы министры Дмитрий Патрушев 2020 елгы язгы кыр эшләренә багышланган селектор киңәшмәсе уздырды. Татарстаннан чарада Татарстан Республикасы авыл хуҗалыгы һәм азык-төлек министрының беренче урынбасары Наил Залаков катнашты.

Бүген  аграрийлар  торган  саен күбрәк  булачак уңышны  иминләштерү  турында  уйлыйлар.    Агроиминләштерү хәтәр игенчелек  төбәкләре  өчен  аеруча  әһәмияткә  ия, шундыйларга  безнең  республика  да  керә. Ул  авыл  хуҗалыгы  җитештерүчеләре  өчен, һава шартларына  карамастан,   тотрыклы  эшчәнлек  алып баруда, керемнәрне алдан  фаразлауда реаль мөмкинлекләр  бирә.  

21-22 февральдә Казанда Татарстан Республикасы Авыл хуҗалыгы һәм азык-төлек министрлыгы ярдәме белән умартачыларның «Умартачылыкны үстерүнең актуаль мәсьәләләре һәм иминлекнең стратегик карарлары» Татарстан форумы һәм бал фестивале узачак.