29 декабрь көнне “Тылсым”  халыкка комплекслы социаль ярдәм күрсәтү үзәге хезмәткәрләре  “Кыш бабайдан сюрприз” акциясе кысаларында ОСПСиД да учетта торучы , аз керемле гаиләдә тәрбияләнүче балаларга яңа ел бүләкләре тараттылар.

Манзарас мәктәбе стадионында10.00-13.00 сәгатьләрдә. балалар өчен бәйрәм чаралары: спорт бәйгеләре, конкурслар, чыршы әйләнәсендә Кыш бабай, Кар кызы белән уеннар оештырыла. 

2 январь көнне Җиңү Паркы каршында 13.00 сәгатьтән 14.30 сәгатькә кадәр Яңа ел концерты була.

Алабуга шәһәрендә Алабуга боз сараеның 10 еллыгына багышланган Яңа ел алды хоккей турниры узды. 2007 елгы командала арасында узхган турнирда Алабуга, Менделеевск, Мамадыш, Кукмара командалары катнашты. Кукмараның “Легион” командасы 2 урын алды.

Кукмарада яшәүче Гариф абый Фәйзуллинның бүген гомер бәйрәме – 90 яшь тулган көне. Аны күркәм юбилее һәм якынлашып килүче Яңа ел бәйрәме  белән район башлыгы Сергей Димитриев тәбрикләде. Аңа күңел тынычлыгы, сәламәтлек, балаларының һәм оныкларының хөрмәтен тоеп яшәвен теләде, шулай ук Россия Президентының котлау открыткасын, үзенең Рәхмәт хатын, истәлек бүләге тапшырды.

Районыбызның “Строй-Гарант” оешмасы тарафыннан быел зур күләмле төзелеш эшләре башкарылды. Нәтиҗәле эшчәнлеге һәм үз бурычларын намус белән башкаруы өчен әлеге компания быел Россиянең иң яхшы салым түләүчеләре исемлегенә һәм илнең  намуслы салым түләүчеләрнең Бердәм федераль реестрына кертелде.