ЯҢАЛЫКЛАР

Парк һәм скверлар көне уңаеннан оештырылган бәйрәмгә килүчеләр бер уңайдан халык җыенында да катнаштылар. Анда район җитәкчесе Сергей Димитриев, Татарстан Дәүләт Советы рәисе урынбасары Римма Ратниковалар чыгыш ясады.

Капиталь ремонттан соң яңарып, заманча төсмер алган Нырты авылы мәктәбендә тагын бер шатлыклы вакыйга – спорт мәйданчыгын ачу тантанасы булды.

Бүген Мәмәшир авылында сөенечле вакыйга булды - яңа мәдәният йорты үзенең ишекләрен ачты. Әлеге бина үз эченә фельдшер-акушерлык пункты, китапханәне дә ала. Шулай ук авыл җирлеге башлыгының да эш бүлмәсе шунда. Мәмәширлеләрнең шатлыгын район җитәкчесе Сергей Димитриев та уртаклашты.

Бүген Кукмарада парк һәм скверлар көне узды. Җиңү паркы каршындагы мәйдандагы ярминкәдә мәктәпләр, социаль яклау бүлеге оешмалары, авыл җирлекләре, фермерлар авыл хуҗалыгы товарларын тәкъдим иттеләр.

Әдәбият, парк һәм скверлар елы уңаеннан “Ленин бакчасында” да зур чара үтте. “Әдәби-музыкаль ишегалды” сәнгать сөючеләрне үзенә җыйган иде.

3 сентябрь көнне социаль педагог Э.З. Набиева балигъ булмаган балалар белән “Бәхет өчен миңа ни җитми...” дип исемләнгән занятие үткәрде. Элеге чараның максаты - балаларның иҗади мөмкинлекләрен үстерү. Талгын музыка астында балалар үзләренең хыялларын чагылдырган коллаж әзерләделәр.

Шушы көннәрдә районыбыз ветеран оешмалары советының киңәйтелгән пленумы үтте. Анда район ветераннар советы рәисе Мияссәр Мансуров, район башлыгы урынбасары Равия Каримуллина, социаль яклау бүлеге җитәкчесе Светлана Җамалиеваларның чыгышлары тыңланды.

3 сентябрь көнне “Тылсым” үзәгендә социаль реабилитация үтүче гражданнар өчен “Могҗизалар кыры” уены үткәрелде. Әлеге уенны Фасхутдинова Эльмира оештырды. Иң актив уенчыларга истәлек бүләкләре тапшырылды.

30август көнне Казан шәһәрендә “Уйна, гармун!” дип исемләнгән халык бию-җыр иҗаты бәйрәме үтте. Әлеге чара Республика көненә багышлап, Кабан күле буенда Иска Татар бистәсендә үтте. 20 муниципаль районнан 400 кеше катнашты.

“Тылсым” үзәгенең өйләргә чыгып ярдәм күрсәтү булеге ай саен “Чиста өй” акциясендә катнаша. 6 социаль хезмәткәрдән торган төркем Аш Буҗи авылында яшәүче Мортазин Мөхипулла Рахимовичның өен җыештырдылар: стеналарын, түшәмнәрен, идәннәрен, тәрәзәләрен юдылар, пич агарттылар, тәрәзә пәрдәләрен, урын-җир япкычларын юдылар.