ЯҢАЛЫКЛАР

Бүген район җитәкчесе Сергей Димитриев Кукмара бистәсендә яшәүче сугыш ветераны Антипов Василий Михайловичның өендә булып, аңа “1942-1945 еллардагы Бөек Ватан сугышында Җиңүнең 70 еллыгы” юбилей медале тапшырды.

Поч.Кучук авылы мәдәният йорты каршында оешкан “Кнавел” мари халык фольклор ансамбле үзенең 30 еллык юбилеен билгеләп үтте. Әлеге ансамбль районда гына түгел, республикакүләм, төбәкара, Россия, халыкара конкурс-фестивальләрдә актив катнаша.

Халыкара хатын-кызлар көне алдыннан, 7 мартта Урта Комар авыл җирлегендә гүзәл затларны бәйрәм белән котлау һәм алтын юбилейлы гаилә парларын тәбрикләү уңаеннан зур бәйрәм оештырылды.

10 март көнне Кукмара металл савыт-сабалар һәм тегү фабрикасында Башкарма комитетның отчет җыелышы үтте. Оешма хезмәткәрләре алдында район җитәкчесе Сергей Димитриев чыгыш ясады.

6 март көнне Кукмара тегү фабрикасында Марат Хасанов җитәкчелегендәге балалар сәнгать мәктәбе тынлы оркертры бәйрәм концерты куйды. Яшь музыкантлар башкаруында популыр җырлар, көйләр, чит ил композиторлары әсәрләре яңгырады. Тамашачылар һәрбер чыгышны алкышларга күмделәр. Оешма җитәкчесе Рафаэль Голов сәнгать мәктәбе укучыларына һәм укытучыларына зур рәхмәт белдерде, мондый очрашулар алга таба да дәвам итәр дип ышанып калабыз, диде.

10.03.15 көнне Кукмара үзәк китапханәсе китапханәчесе Саттарова Лилия Рәис кызы  Кукмара   муниципаль районының Ч.Т. Айтматов исемендәге

1 нче гимназиясе укучыларына “Наркотикларга - юк” дигән информацион сәгать үткәрде.

22 мартта районның барлык сайлау участокларында гражданнарның үзкертемнәренә кагылышлы сораулар буенча референдум үткәреләчәк. Үз җирлеге территориясенә аерым бер максат өчен билгеле бер суммада акчалата өлеш чыгарырга әзерме – референдумда һәр җирлек халкы әнә шул сорауга җавап бирергә тиеш.

Вахит Мәдәният йортында авылның талантлы ир-егетләре, үзешчән артистлары зур чара оештырдылар. Ир-егетләр, гүзәл затларны бәйрәм белән котлап, быел җиденче тапкыр “Егетләр солянкасы” шоу-тамашасын тәкъдим иттеләр. Артистларның чыгышлары көчле алкышларга күмелде.