ЯҢАЛЫКЛАР

25 февраль көнне Зур Кукмара җирлегендә “Җиңү Салюты” фестивале үтте. Фестивальдә укытучылар, укучылар, “Шатлык” һәм “Бәләкәч” балалар бакчасына йөрүче балалар, мәдәният хезмәткәрләре, сәхнә ветераннары катнашты.

1 март көнне “Олимп” Боз сараенда Сафин Ф.И. истәлегенә багышланган хоккей буенча мерориаль турнир үтте. Анда Кукмара ветераннары (ВКХ), “Кукмара”, балтач, Арча хоккей командалары катнашты. Уен нәтиҗәләре буенча 3 урын – Балтач, 2 урын – Кукмара, 1 урын - Кукмара хоккей ветераннары яулады.

28 февраль көнне “Олимп” Боз сараенда Ватанны саклаучылар көненә багышланган, 2007 елда туган балалар арасында хоккей буенча турнир үтте. Турнирда “Ак Бүре” (Казан), “Биектау”, “Олимп” (Кукмара), “Союз” (Киров) командалары катнашты. Барлык командалар да матур уен күрсәттеләр, ләкин “Союз” командасы аерылып торды. 1 урында “Союз”, 2 урында “Ак Бүре”, 3 урында “Олимп” командалары калды.

Югары Ослан районында тау чаңгысы буенча Татарстан республикасы беренчелеге һәм Чемпионат үтте. “Зилант” спорт мәктәбендә тәрбияләнүчеләр Искәндәр Динмөхәммәтов, Әмир Гайнанов, Алинә Гарифуллина, Алена Демидова, Лариса Наумова, Айрат Вәлиев, Азалия Нуреева, Сергей Наумовлар алтын медаль яуладылар.

Лаеш районында "Ел хатын-кызы. Ел ир-аты: хатын-кыз карашы" дигән республика фестиваленең зона туры узды. Анда Кукмара районыннан "Өченче яшь герое" номинациясендә Әлфинур Сабитова, "Хатын-кыз - ана" номинациясендә Зур Сәрдектән Рәмзия Хөсәенова, "Ир-ат - лидер" номинациясендә Вахиттән Нәфыйк Хөсәенов катнашты.

Чишмәбаш авылында кышны озату, язны каршылау бәйрәме булды. Шул уңайдан хоккей ярышы да оештырылды.

Зур Сәрдек мәдәният йортында тыл ветераннарына юбилей медальләре тапшыру тантанасы уздырылды. Әлеге чара концерт номерлары белән үрелеп барды.

Озак еллар мәктәп китапханәсендә эшләгән Зәйтүнә апа әле дә көр күңелле, зиһенле әби.Улы Рифат, килене Кадрия тәрбиясендә гомер кичерә. Олы юбилеен котлап килгән җитәкчеләребезгә изге теләкләрен теләп калды ул.

Өркеш авыл җирлегендә Бөек Җиңүнең 70 еллыгы уңаеннан сугыш һәм тыл ветераннарына юбилей медальләре тапшыру тантанасы узды.

Сигезенче ел рәттән үткәрелә торган “Хезмәт даны” газетасы призына бара торган мини –футбол ярышының беренче этабы төгәлләнде. Турнир башында барлыгы 11 команда катнашкан булса, икенче этапка аларның сигезе: Зур Кукмара - 1, Нур Баян -1, Степан Разин, Состамак, Зур Кукмара урта мәктәбе, Ворошилов, Нур Баян -2, “Ихлас” командалары үтте. Бәйге дәвам итә, уеннар ике җиңүгә кадәр бара.

Һәр якшәмбедә “Ялкын” спорткомплексында әлеге командалар көч сынаша. Рәхим итегез.