ЯҢАЛЫКЛАР

Эшмәкәр Юнысов Рамазан Касыймхан улы “Ел эшмәкәре. Алтын йөзлек – 2014” республика конкурсында катнашып, җиңүче исеменә лаек булды һәм Татарстан Республикасының икътисад министрлыгы дипломы белән бүләкләнде. Котлыйбыз.

Мин үзем 1941 ел баласы, әтием дә, кайнатам да фронтның утлы-канлы юлларын кичеп кайтканнар. Сугыш белән бәйле һәр вакыйга миндә авыр хисләр тудыра.

Казан шәһәрендә 1997-1998 елгылар арасында бокс буенча чемпионат һәм Татарстан республикасы беренчелеге үтте. Тренерлар Ленар Галеев һәм Ленар Әүхәдиев кул астында шөгыльләнүче Руслан Ходайбиргәнов (49 килограмм), Тимур Валуевлар (75 килограмм) бронза яуладылар.

Чит илләрнең Россиягә каршы игълан ителгән икътисадый санкцияләре, башка тармаклар белән беррәттән, авыл хуҗалыгына да сизелерлек зыян китерде. Әмма файдалы ягы да юк түгел: кулланучылар базарында үз җитештерүчеләребезгә урын киңәйде, ит, сөт, бәрәңге, яшелчә бәяләре артты. Шуннан файдаланып, игенчелек һәм терлекчелек продукцияләрен күбрәк җитештерергә кирәк – акча саный белгән авыл хуҗалыгы предприятиеләре шуңа омтыла да.

Унбиш ел вакыт сизелми дә узып киткән. Ул чакта без Олыяз урта мәктәбе директоры Гомәр Хаҗиев белән йорттан-йортка кереп, Бөек Ватан сугышы ветераннарын видеоязмага төшереп йөргән идек. Минем җилкәдә - видеокамера, ә Гомәр абый яннарына утырып, ипләп кенә үзләрен сөйләштерә. Дөресен әйтим, әлеге эш алдыннан мин аның ахыргы уңышына бераз шикләнеп тә караган идем. Ни өчен дигәндә, Бөек Ватан сугышы темасы үзенең актуальлелеген югалтып бармыймы икән, дип уйладым ул вакытта.

Күпьеллык намуслы хезмәте һәм предприятиенең социаль программаларын гамәлгә ашыруга зур өлеш кертүе өчен якташыбыз “Органик синтез” Казан ачык акционерлык җәмгыятенең башлангыч һөнәр берлекләре оешмасы рәисе Минһаҗев Илшат Камил улына “Татарстан Республикасының атказанган халыкны социаль яклау хезмәткәре” дигән мактаулы исем бирелде.

Поселокның “Пятерочка” кибете каршында һәм Гафиятуллин урамында Олыяздагы гаилә фермасында җитештерелгән сөтне литрлап сату оештырылачак. Сөтнең бәясе кибетнекеннән очсызрак булачак.

Кул эшләренең бер төре чигү.ртенче сыйныф укучылары белән 12 февраль көнне китапханәдә кул эшләре буенча дәрес үткәрдем.Анда барлыгы 6 укучы катнашты.Мин укучыларга чигү өчен кирәк булган эш кораллары,материаллар белэн таныштырып,дөрес эш алымнарына өйрәтеп,сәнгатъкә һәм мәдәнияткә кызыксыну һәм хөрмәт тәрбияләү өстендә эш алып бардым.

Зур Сәрдек мәдәният йорты һәм китапханә хезмәткәрләре берлектә "Әкият" балалар бакчасында булдык. Бакчага баруыбызның максаты - әдәбият елы уңаеннан балаларга мәдәният хезмәте күрсәтү, балаларда эстетик зәвык һәм дуслык тәрбияләү. "Урман әкияте"н сәхнәләштердек.

Вахит авылы китапханәсендә авылыбыз җирлегендә яшәп иҗат итүче бер төркем өлкәннәрне туплап, “Балкып янсын шигырь уты” дип аталган клуб оештырылды. Бу клубка барлыгы 10 лап кеше йөри. Үзләре иҗат иткән шигырь һәм бәетләрне тыңлап, үзара фикер алышып, очрашулар үткәрелә. Шигръият сөючеләр түгәрәгенә йөрүче Тимергалиева Нәзилә апа һәм Самигуллина Әлфия апалар “Наза” ансамбле чыгышы өчен такмаклар һәм шигырьләр иҗат иттеләр, алар иҗат иткән шигырьләр ансамбль репертуарында башкарыла.