ЯҢАЛЫКЛАР

Районның территоризмга каршы көрәш комиссиясенең чираттагы утырышы үткәрелде. Анда республика көне һәм Белем көне уңаеннан үткәреләчәк чараларда җәмәгать куркынычсызлыгын тәэмин итү һәм терроризм актларны кисәтү буенча өстәмә чаралар күрү, 14 сентябрьдә булачак сайлауларда куркынычсызлык чаралары күрү, сәламәтлек саклау һәм спорт обьектларында террордан саклану торышы һәм өстәмә чаралар күрү мәсьәләләре каралды.

Җәй айлары районыбызда күңелле, матур, шул ук вакытта социаль яктан әһәмиятле вакыйгалар белән үтеп бара. Бүген дә шундый мөһим чараларның берсе Туембаш авылында булды. Район башлыгы һәм башка җитәкчеләр, авыл халкы, килгән кунаклар катнашында киләсе елда төзеләчәк балалар бакчасына беренче нигез ташы салынды.

Бүген Район Башлыгы Рауил Рахматуллин Кукмара почтамты ФГУП УПС «Татарстан почтасы» коллективы белән очрашты. Ул районның социаль-экономик үсеше буенча 2014 елның I яртыеллыгына йомгак ясады, II яртыеллыгына бурычлар куйды.

Районда кызу темплар белән урып-җыю эшләре бара. Районның авыл хуҗалыгы һәм азык – төлек Идарәсенән алынган мәгълүматлар буенча, бүгенге көнгә районда 29382 тонна иген җыеп алынган. Уртача һәр гектардан 21,2 центнер уңыш чыга. Барлыгы 12100 тонна салам, 28200 тонна печән әзерләнгән, 129500 тонна сенаж салынган.

28-30 август көннәрендә “Олимп” Боз сараенда 2006 елда туган балалар арасында шайбалы хоккей буенча ачык турнир оештырыла. Әлеге чарада “Ягуар” (Кукмара), “Нефтихимик” (Түбән Кама), “Юниор-Газпром” (Оренбург), “ХК Вятка” (Киров), “Нефтяник” (Әлмәт), “Кристалл” (Балаково) командалары көч сынашачак.

«Олимп» балалар һәм яшүсмерләр мәктәбе яңа 2014-2015 уку елына балалар җыя. Хоккей бүлегенә 2003, 2005, 2008, 2009 елгы балалар, фигуралы шуу бүлегенә 2008, 2009 елгы кызлар һәм малайлар кабул ителә. Белешмәләр өчен телефон: 2-62-35.

Күптән түгел Эстониядән килгән иҗат төркеме мариларның “Кна вел” ансамблендә кунакта булдылар. Аларның бирегә килү максатлары – районыбызда яшәүче мариларның гореф-гадәтләре турында документаль фильм төшерү иде. Студентлар этнографик материаллар җыю буенча зур эш башкардылар, алар фин-угор халкы турында семинар хезмәтендә чагылыш табачак.

Районда мәктәпләр һәм балалар бакчаларының яңа уку елына әзерлеген тикшерү буенча эш төркемнәре оешты. Әлеге төркем составына район Советы, Башкарма комитет, контрольлек итүче органнар вәкилләре керә. 10 августтан 15 кадәр барлык мәктәпләрдә һәм балалар бакчаларында тикшерүләр узачак.

Ветераннар арасында һәвәскәр башкаручыларның "Балкыш" III республика фестивале кысаларындагы зона концертлары быел янә, ягъни өченче тапкыр Кукмара мәдәният йортында узды. Әлеге зур колачлы чарада Балтач, Мамадыш, Питрәч, Саба, Теләче районнары үзешчәннәре катнашты.

97 еллык тарихы булган Лубян урман көллияте шушы еллар эчендә республикага гына түгел, Рәсәйгә меңнәрчә урман хуҗалыгы белгечләре әзерләп чыгарды. Әлеге уку йортын тәмамлаган элеккеге укучыларны ел саен август аеның беренче шимбәсендә Лубянга очрашуга килүләре күркәм традициягә әверелде.