ЯҢАЛЫКЛАР

Белем һәм тәрбия бирү учреждениеләренең яңа уку елына хәзерлеген тикшерү буенча районда алты төркем эшләде һәм конкурска нәтиҗәләр чыгарды.

27 августта Казанда Татарстан Президенты Рөстәм Миңнеханов үзенең тормыш иптәше белән берлектә республиканың иң яхшы, үрнәк гаиләләрен кабул итәчәк. Безнең районнан әлеге тантанага Ош.Юмья авылында яшәүче Мария һәм Василий Рамазановлар гаиләсе бара.

“Шәфкать” тернәкләндерү үзәгендә мөмкинлекләре чикләнгән балалар һәм яшүсмерләр өчен беренче сыйныфка баручыларны мәктәпкә озату кичәсе булды. Белгечләр математика, рус теле, әдәбият, физкультура буенча “дәрес”ләр үткәрделәр. Балалар табышмаклар, мәсьәләләр чишеп, сүзләр уйлап табып мәктәпкә әзерлек үттеләр.

Район Мәдәният йортында мәгариф хезмәткәрләренең август киңәшмәсенең пленар утырышы узды. “Белем бирү системасы үсешенең заманча муниципаль модельләренең актуаль мәсьәләләре” дигән тема астында үткән киңәшмәдә район башлыгы Рауил Рәхмәтуллин, Татарстанның мәгариф һәм фән министры урынбасары, мәгариф һәм фән министрлыгының белем бирү өлкәсендәге күзәтчелек һәм контроль департаменты җитәкчесе Гөлнара Габдрахманова, мәгариф хезмәткәрләре, чакырылган кунаклар, мәктәп директорлары, аларның урныбасарлары, укытучылар катнашты.

Игелекле гамәлләре белән күңелләрдә якты эз калдырган якташыбыз Ринат Мөхәммәтшин үзе исән чагында урам командалары арасында тугыз ел рәттән футбол турниры үткәреп калырга өлгерде. Җәй дәвамында барган әлеге турнир быел исә аның истәлегенә уздырылды.

Волейбол һәм баскетбол уеннары өчен корылган әлеге мәйданчык “Зилант” спорт мәктәбе бинасы артында төзелде. Универсиада корылмаларын төзүдә актив катнашкан өчен Татарстан Президенты һәм “Бердәм Россия” партиясе тарафыннан бүләк ителгән әлеге мәйданчыклар спорт сөючеләр өчен күп мөмкинлекләр тудыра. Моңа кадәр ачылганнарында да иртәдән кичкә кадәр яшьләр өзелми.

23 августта Зур Кукмарадагы “Ялкын” спорт комплексында Рамил Әхтәмов истәлегенә район командалары арасында мини-футбол буенча турнир үткәрелә. Башлана. 8.30 сәгатьтә.

13 августта Зур Сәрдек авылы китапханәсендә М.Фәйзуллинаның "Гаилә әлифбасы" китабы буенча әдәби чара үткәрелде. Китапханәгә килгән китап укучы балаларга шагыйрә М.Фәйзуллина турында кыскача белешмә бирелде. Китапның алфавит тәртибендә язылган булуына басым ясалды.

10 августта Зур Сәрдек авылы китапханәсендә “Нинди китап укысаң, шундый бала булырсың” дип исемләнгән әңгәмә үткәрелде. Әңгәмәнең максаты - китап укучыларга әдәби әсәрләр аша әхлак тәрбиясе бирү, балалардагы дуслык, бер-береңә ярдәмләшү сыйфатларын арттыру, матур әдәбиятны пропагандалау. Материал итеп Р.Миңнуллинның “Бүтәннәр күрмәсә дә”, Йолдызның “Хәерле иртә” шигырьләре файдаланылды.

8 август көнне Зур Сәрдек авылы китапханәсендә "Хайваннар дөньясында" дип исемләнгән викторина үткәрелде. Әлеге викторинаның максаты - китап укучы балаларда табигатькә сакчыл караш тәрбияләү, табигать турында булган белемнәрен арттыру, хайваннар турындагы китапларны пропагандалау.