ЯҢАЛЫКЛАР

“Бердәм Россия” көне” акциясе кысаларында Кукмарада үткән партиянең район конференциясендә Татарстан Дәүләт Советы рәисе урынбасары Римма Ратникова да катнашкан иде. Ул тиздән Татарстан Министрлар Кабинеты булышлыгы белән “Социаль халык проектлары” конкурсы игълан ителәчәген, аның рамкасында күп проектларны тормышка ашыруда партия ярдәме күрсәтеләчәген билгеләп үткән иде.

Пенсионерлар берлегенең төбәк бүлекчәсе бер төркем пенсионерлар өчен Биләр җирлегенә сәяхәт оештырды. Музейдагы экспонатлар белән танышып, тарихи һәйкәлләрне һәм башка истәлекле урыннарны күреп кайттык. Изге тарихи җирләргә сәфәр кылу онытылмаслык кичерешләр калдырды, дип хәбәр итте Артур Зәкиев.

Чишмәбаш авылында җәйге чорда балалар өчен дини лагерь эшләде. Анда 50дән артык бала йөрде. Авыл мулласы Шамил Шәфигуллин, абыстайлар Гөлчирә Ногманова, Фәнзилә Хәсәновалар ун көн буена балалар белән булдылар. Малайлар-кызлар бик теләп дин гыйлеменә, намаз укырга өйрәнделәр, вәгазь тыңладылар. Буш вакытларында исә бердәм булып футбол уйнадылар, ял иттеләр.

11 июль көнне 16.00 сәгатьтә Кызыл Тау, 12 июль көнне 19.00 сәгатьтә Кече Чура авылында керәшеннәрнең традицион бәйрәме “Питрау” үткәрелә. Бәйрәмгә рәхим итегез!

«Нараткай» балалар сәламәтләндерү лагере үзенең эшен дәвам итә. 2 июль көнне беренче сменаның ябылу, 6 июль көнне икенче сменаның ачылу тантанасы булды. Икенче сменада 6 июльдән 26 июльгә кадәр 85 бала ял итәчәк. Балаларга вакытларын файдалы уздыруларын, сәламәтлекләрен ныгытуларын телибез.

Кичә Район Башлыгы Рауиль Рахматуллин Зәй муниципаль районында 2014 нче елның беренче яртыеллыгында Татарстанның агросәнәгать комплексы эшенә нәтиҗәләргә һәм уңышны җыеп алу буенча бурычларга багышланган семинар-совещаниедә катнашты.

Кукмара муниципаль районы Башкарма комитеты җитәкчесе урынбасары Галиева Рузалия Битлянгур авылында яшәүче Марданов Нури Мардан улын 95 яшлек юбилее белән котлады, аңа Россия Президентының котлау хатын, бүләк тапшырды.

Кече Чура авылында гомер кичерүче Тарасова Федора Романовнага 95 яшь тулды. Юбилярны район социаль яклау бүлеге начальнигы Светлана Җамалиева, авыл җирлеге башлыгы Андрей Афанасьевлар котлады. Федора апага Россия Президентының котлау открыткасы, район башлыгының Рәхмәт хаты һәм истәлек бүләге тапшырылды.

«Мәктәпләргә капиталь ремонт» дип аталган республика программасы кысаларында быел алты урта мәктәп яңартылачак. Белем бирү йортларын ремонтлау белән беррәттән, яңа балалар бакчалары төзү эшләре дә дәвам итә. Кукмараның Гафиятуллин урамындагы 140 урынга исәпләнелгән балалар бакчасы Мамадышның  “Стройсервис” оешмасына тапшырылса, Зур Сәрдек һәм Аш-Буҗи авылларында 50шәр урынлы балалар бакчаларын үзебезнекеләр - “Строй-Гарант” ширкәте төзи. Узган атнада гимназиядәге капиталь ремонт, бу төбәктәге балалар бакчаларын төзү эшләре ничек барышы белән  кызыксынып, Зур Сәрдек авылында булып кайттык

17 июльдә 9.30 сәгатьтән 13.00 сәгатькә кадәр район хакимияте бинасында (Кукмара поселогы, Ленин урамы, 13 йорт) Татарстан республикасы Президентының гражданнар мөрәҗәгате белән эшләү Идарәсе начальнигы Роза Рифкать кызы Килькеева, хатлар һәм гражданнарны кабул итү бүлегенең баш киңәшчесе Зөбәрҗәт Мөнир кызы Фазуллина тарафыннан гражданнарны кабул итү оештырыла.