ЯҢАЛЫКЛАР

Трыш авылы китапханәсендә “Зирәк тиен” дип исемләнгән КВН үткәрелде. Максаты: балаларны сорауларга тулы җавап бирергә күнектерү, бәйләнешле сөйләм телен, фикерләү сәләтен үстерү, сүзләрне баету, әкият, мәкальләр нигезендә балаларда шәфкатьлелек, миһербанлылык, дуслык, гаделлек, әдәплелек хисләре, өлкәннәргә карата игътибарлы булу сыйфатларын, туган якка, китапка мәхәббәт хисләре тәрбияләү.

Авылыбызның хөрмәтле кешеләре Фәния апа белән Тимерхан абыйның балачаклары сугыш чорына туры килгән. Алар колхоздагы барлык эшләрне үтәгәннәр. Тимерхан абый фермада эшләгән, атлар караган, җир сукалап, иген чәчкән. Фәния апа урак урган, печән чапкан. Җиңүгә ышаныч, якты киләчәккә омтылыш ачлыкны, авыр хезмәтне җиңәргә ярдәм иткән аларга.

Кукмарада төрле елларда калкып чыккан биналарның стеналары ниләр хәтерли икән, кайчан, нинди максатларда, кемнәр төзегән аларны? Мондый сорау күпчелек яшьләрне кызыксындырадыр. Миңа әлеге йорт-биналарны төзүгә зур өлеш керткән шәхес Павел Сергеев белән танышып, тарихка күз ташлау насыйп булды.

Кукмара ЗАГСыннан алынган мәгълүматларга караганда, 2013 елда 771 сабыйның тууы теркәлгән, 671 үлем-җитем булган, 456 пар гаилә корган, 144 пар аерылышкан.

-Моңа кадәр яшьләребез инеш өстендәге бозны чистартып хоккей уйныйлар иде, авылда хоккей тартмачыгын төзү мәсьәләсен дә алар күтәреп чыкты, - ди авыл җирлеге башлыгы Андрей Афанасьев. –Без кулыбыздан килгәнчә ярдәм иттек, калган барысын да егетләр авыл мәдәният йорты хезмәткәре Анатолий Осипов кул астында үзләре башлап йөреп, үз көчләре белән башкарып чыктылар. Шунысы сөенечле: бала-чагалар, яшьләр телевизор карап, интернетта утырып туйды, спортка тартыла башлады.

Аш-Буҗи авыл китапханәсендә 2-3 сыйныф укучылары өчен “Ап-ак кыш” дип исемләнгән рәсем конкурсы оештырылды. Әлеге бәйге белән беррәттән “Күңелле стартлар” уены да узды.

“Бердәм Россия” партиясенең җәмәгать кабул итү бүлмәсендә һәр җомгада 15 сәгатьтән 17 сәгатькә кадәр кадәр гражданнарны кабул итү оештырыла. Айның соңгы җомгасында халыкны Кукмара нотариаль округы нотариуслары кабул итәчәк. Адрес: Кукмара поселогы, Ленин урамы, 15 йорт. Алдан язылу өчен телефон: 2-65-14.

Татарстан Президенты Указы нигезендә кертелгән янгынга каршы махсус режим 1 февральгә кадәр дәвам итәчәк. Димәк, гыйнвар ае тәмамланганчыга кадәр пиротехник эшләнмәләрне тиеш булмаган урыннарда куллану тыела.

17 гыйнварда “Олимп” боз сараенда “Олимп”ның бишьеллыгына багышланган чара үткәрелә.

18 январь көнне Ятмас-Дусай авылы мәдәният йортында традицион Гәрәй-батыр призына милли көрәш ярышы һәм Заһретдин Фаретдинов призына укучылар арасында иҗади конкурс узачак.