ЯҢАЛЫКЛАР

Казанда җәйге Универсиада башланырга 11 көн калды.

Узган атнада Казанда җәйге Универсиада чараларының төп күнегүләре узды.

“Без аны универсиада вакытында төрле хәлләр килеп чыккан очракларда әзер булу өчен махсус үткәрәбез”, - дип белдерде күнегүләр башлану алдыннан Татарстан яшьләр эшләре, спорт һәм туризм министры Рафис Борһанов.

“Росмедиа” җәмгыятендә 2012 елда 5000 данә тираж белән дөнья күргән “Безнең Россия. Энциклопедия” тупланмасы кукмаралылар өчен аеруча кызыклы. Илебез һәм республика җитәкчеләренең төсле фотосурәтләре белән аларның тормыш юлларын һәм эшләрен тасвирлаудан башланган бу китапта безнең районнан Лубян урман хуҗалыгы техникумы директоры Мулланур Гобәйдуллин, Кукмара балалар сәнгать мәктәбе директоры Дамир Рафиков, ПМК-90 төзелеш оешмасының, элеккеге генераль директоры (хәзер лаеклы ялда) Шархынур Муллануров турында да мәгълүматлар бар.

23июньнән 24 июньгә каршы төндә мөселманнарның зур бәйрәме - Бәраәт кичәсе узды. Әлеге изге төндә кешеләр Аллаһы Тәгаләдән гафу сорый, тәүбә итә алалар. Шулай ук, бу төн кешенең тәкъдирен үзгәртүгә дә сәләтле, диләр. Сәдакалар бирү, изге эшләр башкарудан тыш, Бәраәт кичәсендә дөньядагы барлык чишмәләр аша ташып чыгучы зәм-зәм суын алу йоласы да бар. Кичә Кукмара районы чишмәләренә шифалы суны алырга чиратлар күп иде.

Укучыларның җәйге каникуллары гөрли. Бу көннәрдә кемдер авылда, табигать кочагында, ә кемдер лагерьларда рәхәтләнеп ял итәдер. Районда мәктәп яны лагерьлары үз эшләрен инде июнь башында ук башлап җибәргәннәр иде, шушы көннәрдә “Нараткай” да беренче смена балаларын кабул итте.

Кукмарадагы “Шәфкать” мөмкинлекләре чикләнгән балалар һәм үсмерләрне тернәкләндерү үзәгендә балаларны сәламәтләндерү, тормышка яраклашуларына ирешү өчен күп төрле алымнар кулланыла.

Менгәр Сабан туеннан җиңел машинада кайтып барышлый Саба урманы аша узганда, ирле-хатынлы Җамалиевлар каршына поши килеп чыга. Әллә фара яктысы җәлеп иткән, әллә башка нәрсә - фил кадәр булып күренгән поши машинага таба сикерә. Алгы аягы белән тәрәзәне җимереп, ничек пассажирларны сытмый - монысы икенче могҗиза. Ирле-хатынның икесе дә тән җәрәхәтләре ала, ире әле дә булса дәваханәдә. Поши имеш яраланып, урман эченәрәк кереп яткан. Хокук саклаучы органнар йоклап ятмый:пошига зыян слган өчен 40000 сум штраф түләргә туры килер, дип кисәткәннәр. Урман хайваны кызганыч, әлбәттә. Чак кына исән калу, җәрәхәтләр алу, ватылган автомашинаны төзәтү чыгымнары өстенә штраф та өстәлсә... Юк, хокук саклаучылар җентекләп тикшерерләр, акыллы фикергә килерләр әле. Вертолеттан киек җәнлек кырып йөрүче браконьер түрәләр түгел бит Җамалиевлар (фамилиясе үзгәртелде).

Таныш булыгыз: Рәдиф Рәфәгать улы Тимергалиев. Россия ислам университеты шәкерте. Булачак Коръән-хафиз. Туган авылы Камышлыда Хөрмәтулла мәчете имам-хатыйбы булып тора.

Бәйрәм якынлашканда күпләр, һава торышы белән кызыксынып, интернет челтәрендә “казына” башлый. Синоптиклар ниләр вәгъдә итә, янәсе. Температураның түбәнәюен, яңгыр, көчле җил “тамга”ларын күргәч, кәефнең кырылуын белсәгез икән?! Җәйнең беренче көнендә үк Сабантуйга дип алып куйган күлмәкне кимичә калам, дип борчылуны да өстәсәң, бәйрәмнең тәмам яме бетә...

Кичә Универсада-2013 уты безгә күрше республикага – Йошкар-Олага килеп җитте. Аны башшәһәр буйлап 28 факелчы йөртеп чыккан. Тагын берничә шәһәрдән соң Универсиада-2013 уты Татарстанга да килеп җитәчәк. Ул 43 муниципаль район буйлап “сәяхәт” иткәннән соң, 6 июльдә Казанда XXVII Бөтендөнья җәйге универсиада ачылу тантанасында “катнашачак”...