ЯҢАЛЫКЛАР
2020 елның 25 ноябреннән 2022 елның 5 декабренә кадәр «ТРда(Татарстан) гигиена һәм эпидемиология үзәге "ФБУЗның Кукмара филиалы бүлекчәсе ВИЧ-инфекцияне профилактикалау мәсьәләләре буенча" кайнар линия» үткәрә.
23 ноябрь көнне Починок- Кучук мәдәният йортында Искәндәров Тимур һәм Галиәкбаров Амитка Батырлык орденнары тапшырылды ( үлгәннән соң ) . Геройларның орденнарын әти- әниләренә һәм туганнарына тапшырдылар. Чара район мәдәният йортының агитбригада концерты белән тәмамланды.
24 ноябрь көнне С.В. Михалков исемендәге үзәк балалар китапханәсендә 4нче мәктәпнең 5А сыйныф укучылары өчен китапханәче Нурия Гайнетдинова «Син хаксыз, үз хокукларыңны белмәсәң» дип исемләнгән дәрес-презентация үткәрде. Балалар бала хокуклары турында конвенциядә язылган төп хокуклар һәм ирекләр белән танышты, төрле тормыш хәлләре турында фикер алышты, «исемнәр», «хокуклар һәм бурычлар» уеннарында катнашты. Чара китапларга күзәтү һәм видеоролик карау белән тәмамланды.
23 ноябрь көнне Үзәк китапханәдә әниләр көненә багышланган " Изге җанлы әниләр" дип исемләнгән бәйрәм кичәсе узды. Бәйрәмнең кунаклары "Сөембикә" клубында катнашучылар булды. Клуб җитәкчесе Сәлимова Тәскирә Харис кызы презентация белән әңгәмә үткәрде, ана образы чагылдырылган китапларга күзәтү ясады. Чәй табыны артында кунаклар шигырьләр сөйләделәр, кадерле әниләргә багышланган “Әнкәй”. “Әниемә хат” җырларын яратып башкардылар, тормышлары турында кызыклы хатирәләре белән уртаклаштылар.
Татарстан Республикасы буенча Роспотребнадзор идарәсе җитәкчесе урынбасары Булатова Ю.А. Саба, Теләче, Кукмара районнары, Мамадыш районы һәм Мамадыш шәһәре гражданнарын 2022 елның 25ноябрендә 10.00 сәгатьтән 11.00 сәгатькә кадәр видеоконференцэлемтә режимында кабул итәчәк.
Идарә компетенциясе кысаларында сораулар буенча шәхси кабул итүгә 2022 елның 24ноябренә кадәртүбәндәге телефон буенча язылырга мөмкин: 8 (84362) 2-39-40.
ГТО нормаларын тапшыру
ГТО нормаларын тапшыру
22 нче ноябрь көнне уку залы китапханәчесе Сәлимова Т.Х.,Кукмара үзәк китапханәсендә Кукмара мөселман мәдрәсәсенең “Мөслимә төркеме” өчен әниләр көненә багышланган “Әнкәмнең догалары “ дигән тематик сәгать үткәрде.Чара барышында китапханәче бәйрәмнен тарихы, әһәмияте турында әйтеп үтте. ”Көзге ташу” китабының авторы якташ шагыйрә Розалия Яппарова әниләргә багышлап язган шигырьләрен укыды. Әлеге чарага килүчеләр үзләренең әниләре турында истәлекләре белән уртаклаштылар. Кичә ахырында китапханәче, әниләр көненә багышланган “Йомшак күңелле фәрештәләр ” дигән китап күргәзмәсе белән таныштырды.
19 ноябрь көнне район мәдәният йорты концерт төркеме Казан Агросәнәгать паркында Республика көзге ярминкәсе кысаларында мәдәни программада катнашты.
18 ноябрь көнне Арпаяз авыл клубы үзешчәннәре көче белән Әмирхан Еникиның "Әйтелмәгән васиять" спектакле сәхнәләштерелде. Спектакль районкүләм үтә торган үзешчән театрлар бәйгесе кысаларында куелды.