ЯҢАЛЫКЛАР
27 апрельда Зур Кукмара авылы гомуми урта белем бирү мәктәбенең 8 а сыйныф укучылары өчен, китапханәче Пахомова В.Г., «Сезнең ышаныч телефоны» исемле мәгълүмат сәгате үткәрде. Чарада катнашучылар өчен яшьләр ышаныч телефонына шалтыратудан курыкмаска, беренче шалтыратуга ничек әзерләнергә, анда нинди сораулар белән мөрәҗәгать итәргә кирәклеген белделәр.
С.В. Михалков исемендәге үзәк балалар китапханәсе “Салават күпере” балалар бакчасы белән берлектә татар шагыйре Габдулла Тукайның тууына 138 ел тулуга багышланган «Без - Тукай оныклары» дигән фестиваль үткәрде. Конкурста төрле яшьтәге балалар катнашты. Китапханәче Закирова Фирдания шагыйрьнең авыр балачагы, иҗади юлы турында сөйләде, аның китаплары белән таныштырды.
Аннары балалар туган телгә, туган якка, аның табигатенә мәдхия җырлап, Г.Тукай сүзләренә язылган җырлар башкарды, шагыйрьнең әсәрләре буенча үзләренең рәсемнәре, кул эшләре белән таныштырды, яраткан әкият геройларын сурәтләде.
Фестивальдә катнашучыларга китапханә директоры Касыймова Резидә Хәкимулла кызы грамоталар тапшырды. Чара “Туган тел” җырын башкару белән тәмамланды.
«Очрашуга бер адым» дигән Президент грантлары фонды проекты кысаларында С.В. Михалков исемендәге үзәк балалар китапханәсе китапханәчесе Әхмәтова Ләйсән балалар өчен «Төлке һәм куян» әкияте буенча театральләштерелгән уен үткәрде. Балалар әкиятләр буенча сәяхәткә чыктылар һәм яраткан геройларында кунакта булдылар. Әдәби викторина сорауларына җавап бирделәр, әкиятләр һәм әкият персонажларын фаразладылар. Аннары бармак курчаклары ярдәмендә «Төлке һәм куян»әкиятен уйнадылар. Балалар бу әкиятнең игелек һәм гаделлек, бер-береңне хөрмәт итәргә, көчсезне беркайчан да рәнҗетмәскә, ә дусларны бәладән коткарырга өйрәтүен белделәр. Чара китапларга күзәтү белән тәмамланды.
26 апрельдә С.В. Михалков исемендәге үзәк балалар китапханәсендә Сәрдекбаш мәктәбенең 5 сыйныф укучылары өчен Фирдания Закирова Халыкара радиация аварияләре һәм һәлакәтләре корбаннарын искә алу көненә багышланган «Чернобыль трагедиясе» дигән мәгълүмати сәгать үткәрде. Балалар авариянең ничек булуын, станцияне коткарырга кемнең беренче булып килүен һәм үз гомерләре бәрабәренә янгынны сүндерүен, бу коточкыч фаҗигагә китергән сәбәпләрне белделәр.Чара китапларга күзәтү һәм видеофильм карау белән тәмамланды.
26 апрель көнне Кукмара үзәк китапханәсендә, Габдулла Тукайның туган көне уңаеннан , “Тукай – халык шагыйре” дигән әдәби-музыкаль кичә үтте. Әлеге чарада Кукмара шәһәренең Ч.Т.Айтматов исемендәге № 1 гимназияның 10нчы һәм 7нче сыйныф укучылары, Г.Тукай иҗатын яратучы балалар, әдәбият, сәнгать, шигърият яратучы райондашларыбыз, “Салават күпере” иҗат берләшмәсе катнашты.
Китапханәче Саттарова Лилия Рәис кызы шагыйрьнең тормыш юлы иҗаты, аның турында кызыклы фактлар белән кыскача таныштырып китте. Укучылар һәм кунаклар Тукайның шигырьләрен укыдылар. Шулай ук кичәдә “Салават күпере” иҗат берләшмәсенә йөрүче якташ язучылар үзләренең Тукайга, туган телгә багышланган шигырьләре белән таныштырдылар. Шәһәребезнең музыка мәктәбеннән килгән укытучылар Дамир Фарилович, Алия Миннерашитовна, Элмира Габдрашитовна үзләренең музыкаль күчтәнәчләрен бүләк иттеләр. Кичәдә Г.Тукай тормышы һәм иҗаты турында электрон презентация күрсәтелде, китап күргәзмәсе эшләде. Әлеге чара Г. Тукайның “Туган тел” җырын бергәләп башкару белән тәмамланды.
26 апрельдә «Пушкин картасы» проекты кысаларында китапханәче В.Г. Пахомова 4 нче урта мәктәп укучылары өчен «Тылсымлы шәм» дип исемләнгән мастер-класс үткәрде. Чара барышында балалар шәмнәрнең ничек һәм кайчан барлыкка килүе, шәмнәр составындагы үләннәр, майлар һәм башка ингредиентларның нинди әһәмияткә ия булуы турында белделәр.
Татарстан Республикасы территориясендә метеорологик күренешләрнең интенсивлыгы турында консультация-кисәтү.
25 апрельдә Үзәк китапханәдә хезмәт күрсәтү бүлеге китапханәчесе Гарипова Л.Д. Кукмараның 3нче урта мәктәбенең 10нчы сыйныф укучылары өчен «Ватанга чын ир-атлар хезмәт итә» исемле патриотик сәгать үткәрде. Очрашуга отставкадагы подполковник Р.Ф.Гумеровны, өченче ранг капитаны Н.П. Петуховны һәм тарих укытучысы Л.Г. Гумерованы чакырдылар.
24 апрель көнне уку залы китапханәчесе Сәлимова Т.Х. үзәк китапханәдә, “Сөембикә” клубы әгъзалары өчен, татар халык шагыйре, бөек классигыбыз, Габдулла Тукайның туган көне уңаеннан, “Туган телгә - урын түрдә”, дигән әдәби сәгать үткәрде. Китапханәче шагыйрьнең тормыш юлы, иҗаты белән таныштырып үтте. Чарага килгән кунаклар Г.Тукайның шигырьләрен сөйләделәр, бергәләп “Туган тел” җырын башкардылар.
Әлеге чарада Саба төбәге кызы, Казан шәһәрендә яшәп иҗат итүче шагыйрә, “Әллә җилләр ярсу, әллә үзем...” китабының авторы Әлфинур Вафина да катнашты. Шагыйрә үзенең иҗаты һәм шигырьләре белән таныштырды. Килгән кунаклар да шагыйрәнең шигырьләрен укыды. Шагыйрә Әлфинур Вафина сүзләренә композитор Ильгиз Зарипов иҗат иткән берничә җыр да башкарылды.
Эковесна 2024