ЯҢАЛЫКЛАР

10 ноябрь көнне Иске Юмья авылы китапханәчесе Лидия Макарова күчмә абонемент белән Югары Юмья авылы башлангыч мәктәбе укучлары белән «Время энциклопедий и словарей» дип аталган библиография дәресе үткәрде. Укучылар сүзлекләр, белешмәлекләр белән эшләргә өйрәнделәр. «Энциклопедия-путь к знаниям» дигән китап күргәзмзсе белән таныштылар.

9 ноябрьдә балалар китапханәсе китапханәчесе Фирдания Закирова «Шәфкатьлелек» сәламәтләндерү үзәгенә йөрүче балалар өчен, Халыклар бердәмлеге көненә багышлап, “Россия - моя Родина” дип исемләнгән әңгәмә үткәрде. 

1 ноябрь көнне Лельвиң авылы китапханәчесе Людмила Егорова башлангыч сыйныф укучылары өчен «Будь здорова, книжка!» дип аталган библиография дәресе үткәрде. 

6 ноябрьдә Туембаш авылы җирлегендә узган ел нигез салына башлаган Ял паркы файдалануга тапшырылды. Быел республикада  иң яхшы җирлекләр арасында үткәрелгән конкурс нәтиҗәләре буенча Туембаш авылы җирлеге 1 миллион сумлык Грант отты. Әлеге акчаларга парк булдыруга тотылды. Бу эштән авыл халкы да читтә калмады, актив катнашты, 300 төп агач утыртылды, тиешле җиһазлар куелды.

“Зилант” спорт мәктәбендә йөзү буенча көзге беренчелек үтте. Төрле йөзү стильләре буенча Мәрьям Сафина, Камил Гайсин, Кәрим Шәфигуллин, Эдуард Кругляков, Азалия Шагеева, Мирза Шәймарданов, Валерия Горячкина, Андрей Данилов, Аяз Якуповлар җиңүче булдылар. Аларга медаль, грамота һәм кыйммәтле бүләкләр тапшырылды.

4 нче ноябрь көнне Березняк мәдәният йортында авыл балалары өчен “Бердәмлектә - безнең көчебез” дигән темага “Могҗизалар кыры “ уены үткәрелде. Алар арасыннан 9 бала уенда катнашты. Җиңүче булып Гафарова Айсылу табылды.

5 ноябрь көнне Аш-Буҗи авылы клубында балалар өчен “Спорт-сәламәтлек нигезе” дигән исем астында бәйрәм уздырылды. Бәйрәм барышында балалар бик актив катнаштылар, үзләрен төрле яктан сынап карадылар. Бик кызу ярышлардан соң, балалар китапханәгә кереп, мультфильм карадылар.

4 ноябрь  көнне Мәмәшир авылы Мәдәният йортында “Гомер йомгаклары өзелми ул, тик парлашып гомер иткәндә” -  исемле әдәби-музыкаль кичә үткәрелде. 

5 нче ноябрь көнне Ятмас Дусай мәдәният йортында Бердәмлек көненә багышланган музыкаль кичә булды.

5 нче ноябрь көнне Әсән-Елга мәдәният йортында "Бергә яшәү күңелле" дип исемләнгән бәйрәм кичәсе үтте.