Татарстан мөфтияте тарафыннан 2015 ел татар дин галимнәре елы дип игълан ителгән иде. Шул уңайдан Кукмара мөселман мәдрәсәсендә дин галимнәре, мәгърифәтчеләр Шиһабетдин Мәрҗәни, Ризаэтдин Фәхретдин, Габдулла Апанаевлар иҗатына багышланган викторина узды. Анда 2,3,4 сыйныф төркемнәре катнашты. Җиңүчеләргә истәлекле бүләкләр, дини китаплар бирелде.
Яңа ел - могҗиза бәйрәме. Барыбызда көтеп алган көн. Күтәренке кәефләр, бергә-бергә җыелышып ясаган кар бабайлар, битләрне чеметтереп алучы салкын һава, матур, күптән көтеп алынган бүләкләр – барысы да әлеге бәйрәмнең яме булып тора.
Киләсе елдан башлап, Татарстанда шәхси ярдәмчел хуҗалыкларны махсус закон яклаячак. Бүген Дәүләт Советы депутатлары шул турыдагы закон проектын икенче, өченче укылышларда кабул итте. Документ кысаларында 2016 елда Татарстанның крестьян-фермер хуҗалыкларына 200 миллион сум күләмендә финанс ярдәме бүленәчәк.
Бу көннәрдә балалар бакчаларында, мәктәпләрдә Чыршы бәйрәмнәре гөрли. “Шәфкать” балаларны тернәкләндерү үзәгендә дә әлеге бәйрәм бик матур, оешкан төстә үтте. Чыршы бәйрәменә Убырлы карчык, әкият геройлары гына түгел, ә погонлы Кыш бабай да килгән иде.
Кукмарада яшәүче Мәймүнә апа Мофахаровага бүген 95 яшь тулды. Аны күркәм юбилее белән район башлыгы Сергей Димитриев тәбрикләде, Россия Президентының котлау открыткасын, үзенең Рәхмәт хатын, истәлек бүләге тапшырды.
Татарстан Республикасы Президенты Рөстәм Миңнеханов республика муниципаль берәмлекләре арасындагы смотр-конкурста җиңүчеләргә яңа эш автомобильләре тапшырды. Районыбызның Күкшел, Ош.Юмья һәм Лельвиж авыл җирлекләре дә яңа автомобильле булды.
Җирле үзидарә органнары эшчәнлеге нәтиҗәлелеген арттырудагы казанышлары, Кукмара муниципаль районының социаль-икътисадый һәм мәдәни үсешенә зур өлеш кертүе өчен Татарстан Республикасы Кукмара муниципаль районы башлыгы урынбасары Каримуллина Равия Абдулла кызы “Татарстан Республикасында җирле үзидарәне үстерүдәге казанышлары өчен” медале белән бүләкләнде.
Нырьяда “Сезонны ачу” дип аталган чаңгыда узышу буенча турнир үтте. Түбәндәгеләр җиңү яуладылар: Татьяна Алексеева, Аня Арсентьева, Майя Шакаева, Николай Алексеев (Нырья), Эльмир Мирзагаянов (Нырты). Руслан Акашкин, Ленар Ибәтов(Ош-Юмья).
“Татар моңы” Халыкара яшь башкаручылар телевизион конкурсында Кукмара егете Ильяс Шәрипов бәйгенең өч турын да уңышлы үтеп, II дәрәҗә лауреат исеменә лаек булды. Конкурста Үзбәкстан, Казахстан, Мәскәү, Санкт-Петербург, Магнитогорск, Екатеринбург, Төмән, Уфа, Казан шәһәрләреннән 302 кеше катнашырга теләк белдергән булган.
“Кукмара” агрофирмасының “Правда” бүлекчәсендә унбер айлык эш нәтиҗәләренә багышланган семинар-киңәшмә үткәрелде. Бу чарада катнашкан район җитәкчелеге, хуҗалык җитәкчеләре, җирлек башлыклары техника ремонтының барышы белән таныштылар. Районда игенчелек тармагында уңышлы эшләп килүче “Тойма” ширкәтенең агрономы Мөнир абый Галимҗанов әлеге өлкәдәге тәҗрибәләре белән уртаклашты. Семинарның икенче өлеше Зур Кукмара мәдәният йортында Яңа ел табыны артында дәвам итте.