ЯҢАЛЫКЛАР

9 октябрь  көнне “Тылсым” халыкка комплекслы социаль  ярдәм күрсәтү  үзәге хезмәткәрләре  Зиннатова Сәрия һәм Зарипова Расима Кукмара бистәсенең Толстой урамында яшәүче Хасанова Магһнас апага бакча эшләрендә булыштылар. Маһинас апаның кишере бик уңган булып чыкты, социаль  хезмәткәрләр кишер уңышын бер өлешен Степан Разин урамында  ялгызы яшәүче Аухадиева Фагыйлә апага да илтеп бирделәр. Фагылә апа  яхшылык эшләүчеләргә рәхмәт сүзләрен җиткерде.  

9 октябрь көнне “Тылсым” халыкка социаль ярдәм күрсәтү үзәгендә тернәкләнү курсы узучы өлкәннәр өчен  концерт оештырылды. Әлеге чараның инициаторлары Кукмара №4  мәктәбе укытучылары Дамира Рафисовна һәм Алсу Фархатовна. Ял итүчеләр каршында  4б һәм 1б сыйныф укучылар чыгыш ясады.   

Авыл хуҗалыгы һәм эшкәртү сәнәгате хезмәткәрләре көне  уңаеннан район башлыгы Сергей Димитриев авыл хезмәтчәннәрен һөнәри бәйрәмнәре белән котлады.

Югары Кузмесь китапханәчесе Валентина Тухтарова кече яшьтәге мәктәп балалары өчен “Халыкара хайваннарны яклау көне” дип аталган сыйныф сәгате үткәрде.  Балалар хайваннар турында шигырьләр сөйләделәр, табышмаклар әйтештеләр.

8 октябрь көнне китапханәче Гөлфия Мукминова “Тамчы” экологик клубының  “Яшел энҗе бөртеге” дип аталган чираттагы занятиесен үткәрде. Чара барышында балалар Кукмара төбәгенең табигате, табигый һәйкәлләре, чишмәләре, флорасы белән таныштылар.

Тылсым” халыкка комплекслы социаль ярдәм күрсәтү үзәгенең “Наз” тернәкләндерү бүлегендә Өлкәнәр көненә багышланган “Көз нигъмәтләре” дип аталган  күргәзмә үтте. Социаль хезмәткәрләр, дәвалану курсы үтүче гражданнар әлеге чарада актив катнаштылар. Җыелган продукцияне 16 аз керемле гражданнарга илтеп тапшырдылар. Әлеге чарада Л. Шайдуллина, А. Лукмановалар актив катнашты.