ЯҢАЛЫКЛАР

19 сентябрь көнне Җиңү паркы каршындагы мәйданда мәгариф учреждениеләренең традицион көзге ярминкәсе узды.

Узган шимбәдә Кукмарабызга мәртәбәле кунаклар – Казан шәһәре мэры, “Рубин” футбол командасы президенты Илсур Метшин, аның гаиләсе, якташыбыз, ТР Конституцион суд рәисе Фәрхәд Хөснетдиновлар кайтты.

19 сентябрь көнне Җиңү паркы каршындагы мәйданда мәгариф учреждениеләренең традицион көзге ярминкәсе узды.

18 сентябрь конне балалар китапханәсе китапханәчесе Гайнетдинова Нурия Шамил кызы 4 нче номерлы урта мәктәпнең 6 а сыйныфы укучылары белән “Без экстремизмга каршы” дип исемләнгән телдән журнал үткәрде.

18 нче сентябрь көнне, Өлге авылы клубында, уңыш бәйрәменә карата "Бер алманы бишкә буләек" дип аталган тематик кичә узды. Бәйрәмдә алмадан әзерләнгән композициялар, ризыкларга конкурс, уеннар, концерт программалары булып узды. Бу кичәгә килгән һәр кеше рәхәтләнеп ял итте. Кичә алма ризыклары, тәмле компот белән сыйланыганнан соң татарча дискотека белән дәвам итте.

Районыбызда якташыбыз, удмурт халкының күренекле шагыйре, Удмурт АССРның атказанган мәдәният хезмәткәре, бөек татар шагыйрьләре Габдулла Тукай, Муса Җәлилнең шигырьләрен удмурт теленә тәрҗемә иткән Гай (Гайфетдин) Сабитовның тууына 100 ел тулуга багышланган Бөтенроссия фәнни-гамәли конференция булды.

“Көзге шәфкатьлелек атнасы - игелекле эшләр эстафетасы” акциясе кысаларында бүген поселокта агач үсентеләре утыртылды. Әлеге изге эшкә район Советы һәм Башкарма комитет хезмәткәрләре дә бик теләп кушылды.

Май аеннан бирле Ядегәрнең "Габделхак" мәчетендә кызу эш кайнады. Заманында Ядегәр төбәге халкына дини гыйлем биргән Габделхак Каюмовның уллары, оныклары, энесенең матди ярдәме белән авыл мәчете төзекләндерелде.

21 сентябрьдә, 12.00 сәгатьтә район Советы бинасында өченче чакырылыш район Советының беренче сессиясе була.

Район җитәкчесе Сергей Димитриев төзелеп килүче КУКМАРА промышленность паркы базасында Татарстан Республикасы экономика министрлыгы һәм ГИСУ вәкилләре катнашында чираттагы киңәшмә үткәрде.