ЯҢАЛЫКЛАР

Нырья авылының “Сактон” ансамбле Мәскәү шәһәренең “Музеон” паркында үткән “Гербер” удмурт халык бәйрәмендә катнашып кайтты.

Шушы көннәрдә район җитәкчесе Сергей Димитриев җитәкчелегендәге район Башкарма комитеты командасы Олыяз авылындагы спорт мәйданчыгында футбол уйнады, дип хәбәр итте Олыяз урта мәктәбе директоры Гомәр Хаҗиев.

Икмәк үстергән игенче өчен генә түгел, ипи тәмен белгән һәркемгә дә иң дулкынландыргыч, тантаналы мизгелләрдер бу. Рәт булып тезелгән КамАЗларда районның гына түгел, илнең иң зур байлыгы – алтын бөртекләр.

Район җитәкчесе Сергей Димитриев үткәргән киңәйтелгән дүшәмбе киңәшмәсендә быел ярты елда башкарылган эшләр, кичекмәстән хәл итәсе бурычлар, игеннәрне урып-җыю, төзелешләрне сыйфатлы итеп башкару, 13 сентябрьдә булачак сайлауларга хәзерлек һәм башка мәсьәләләр турында сөйләшенде.

23 июль көнне “Тылсым” үзәге хезмәткәрләре өлкән яшьтәге «Скандинавская ходьба» технология кулланып сәламәтләндерү чарасы үткәрделәр. Әлеге чара парк территориясендә социаль хезмәткәрләр белән берлектә оештырылды.

Кичәге көн Лубян авылында истәлекле вакыйгаларга бай булды. “Республиканың авыл юлларын төзекләндерү программасы” кысаларында 500 метр озынлыкта салынган асфальт юлны һәм һәм капиталь ремонттан соң участок дәваханәсен ачу тантаналары булды. Бу чараларда район җитәкчесе Сергей Димитриев һәм башка җитәкчеләр катнашты. Соңыннан авыл мәдәният йортында халык белән очрашу уздырылды.

“Авария хәлендәге торакны бетерү” программасы буенча Мирсәй Әмир урамында төзелгән өч фатирлы йортның ачкычлары хуҗаларына тапшырылды. Тантаналы чарада район җитәкчесе Сергей Димитриев, район Башкарма комитеты җитәкчесе урынбасары Азат Гарифуллин, поселок башкарма комитеты җитәкчесе Райнур Нотфуллин, “Строй –гарнт” оешмасы җитәкчесенең урынбасары Рөстәм Шәмсетдинов һәм башкалар катнашты.

22 июль көнне китапханәче Г. Загидуллина “Шәфкать” сәламәтләндерү үзәгендә дәваланучы яшүсмерләр өчен “Экологик марафон” дип аталган чара үткәрде.

21-22 июльдә Питрәч районы “Ак Барс-Питрәч” җәмгыяте базасында аппарат белән сөт саву осталарының республика конкурсы булды. Ярышларның флагын күтәрү хөрмәте районыбызның Вахитов исемендәге хуҗалыкның сыер савучысы Лидия Габдрахманова һәм Питрәч районыннан Гөлфия Фәйзрахмановага бирелде. Конкурс өч өлештән торды: сыер саву, теоретик өлеш һәм саву аппаратын сүтеп җыю. Әлеге конкурста чемпион исеменә райондашыбыз Лидия Габдрахманова лаек булды. Аны зур җиңүе белән котлыйбыз һәм хезмәтендә уңышлар телибез.

Авыл хуҗалыгында иң җаваплы чор – терлек азыгы әзерләү бара. Район авыл хуҗалыгы һәм азык-төлек идарәсеннән алынган мәгълүматларга караганда, бүгенге көндә район буенча шәхси хуҗалыкларга да өләшүне кертеп, 17200 тоннан печән әзерләнгән. Ә күмәк хуҗалыклар буенча бу сан - 11600 тонна.