ЯҢАЛЫКЛАР

5 март көнне Ошторма Юмья, Каенсар, Лубян җирлекләрендә тыл ветераннарына “1941-1945 еллардагы Бөек Ватан сугышында Җиңүнең 70 еллыгы” юбилей медальләре тапшыру тантанасы уздырылды.

5 март көнне сугыш ветераны Давыдов Алексей Афанасьевичка 90 яшь тулды. Әле юбилее белән аны Район Башлыгы урынбасары Равия Каримуллина, социаль яклау бүлеге җитәкчесе Светлана Замалиева котладылар. Россия Федерациясе Президентының котлау хатын, район җитәкчесенең Рәхмәт хатын һәм истәлек бүләге тапшырдылар.

4 март көнне Олыяз, Важашур, Ядегәр җирлекләрендә тыл ветераннарына юбилей медальләре тапшыру тантанасы уздырылды. Мәктәп укучылары ветераннар каршында концерт куйдылар. Чара ахырында кадерле кунаклар өчен чәй эчү оештырылды.

Ядегәр авылы клубында зур бәйрәм - җирлекнең тыл ветераннарына "1941-1945 еллардагы Бөек Ватан сугышында Җиңүгә 70 ел" юбилей медальләре тапшыру тантанасы узды. Җирлектә 23 тыл ветераны яши, шуларның нибары 12се генә бәйрәмгә килә алган.

Районыбыз мәктәпләренең 9-11 сыйныф укучылары, Кукмара аграр көллияте студентлары Татарстан авыл хуҗалыгы һәм азык-төлек министрлыгы вәкилләре, Казан дәүләт аграр университеты, ветеринария медицинасы академиясе галимнәре белән очраштылар.

3 март көнне Нырья, Березняк, Лельвиж җирлекләрендә ветераннарына “1941-1945 еллардагы Бөек Ватан сугышында Җиңүнең 70 еллыгы” юбилей медальләре тапшыру тантанасы уздырылды. Мәктәп укучылары ветераннар каршында концерт куйдылар. Чара ахырында кадерле кунаклар өчен чәй эчү оештырылды.

Бүген Район Башлыгы урынбасары Равия Каримуллина Зур Кукмара авылында яшәүче сугыш ветераны Садретдинов Харафетдин Садретдиновичның өендә булып аңа “1941-1945 еллардагы Бөек Ватан сугышында Җиңүнең 70 еллыгы” юбилей медале тапшырды, туган көне белән котлады, тазалык, озын гомер теләде. Ветеранны, шулай ук, җирлек башлыгы Марат Галиев, ООО “Кукмара” җитәкчесе Зиннатов Ринат котлады.